2015年3月26日 星期四

唔熟唔食 亞視縮數減騷 六合彩周嘉莉:最低工資都唔到 [壹週刊 - 1307] 六合彩,亞視,周嘉莉,M1,



探熱針

唔熟唔食 亞視縮數減騷 六合彩周嘉莉:最低工資都唔到

白武士一直未現身,亞視籌錢出糧、續牌費,令財困壓力雪上加霜,高層葉家寶一直呼籲員工要同公司共渡時艱,但另一邊廂卻出陰招剋扣藝人騷錢。據知有份做六合彩主持的周嘉莉,原本抽到好籤,安排做騷錢較高的外判旅遊節目,但公司突然改變騷錢計算方式,將原本三七分賬變為三日一騷,連月來擔心冇糧出、瘦到得番九十磅的周嘉莉無奈說:「最低工資都唔到。」

計騷法次次唔同

近半年亞視財困局面一直未停過,日前撲完七百萬續牌費,接住又要開始籌三月份糧,合共千五萬。葉家寶上週才開大會叫亞視員工要上下齊心,但背後卻諗縮數,向藝人開刀。

「其實近呢兩年,亞視嘅計騷方法成日變,總之自己着數晒,試過有同事發現計少咗,向公司追數,公司根本唔理合約內容,突然改計騷方法,由原本每集計,變為以播出時間計。一時又話財務搞錯,會幫大家追番條數,但到頭來冇件事,全台藝人都試過,總之做咗十個騷,最後剩番一半騷錢。正如(周)嘉莉應承去日本做旅遊節目,本來係日本旅遊局俾亞視嘅 outside job,但公司當係自己製作,令嘉莉本來可以同公司三、七分賬,而家只可以計騷錢。佢去十二日得四個騷,總共六千蚊,問題係出 trip時間長,一日做成十五個鐘,差啲連最低工資都唔達標。」知情者說。

周嘉莉在商場內咖啡店跟友人大吐苦水。

亞視藝人冇工開冇糧出,老闆王征就逍遙快活出海歎香檳,不理員工死活。

周嘉莉參選 11年亞姐選舉,並獲「最想撻着佳麗」獎,不過在亞視四年多,工作量一般,就算擁有 34C身材都無用武之地。

轉行做打女

據了解,日日等出糧的周嘉莉決定不再續約亞視,過檔冼國林的娛樂公司轉做打女。日前她相約友人到觀塘飲咖啡,對於騷錢被剝削,周嘉莉承認:「出 trip連最低工資都唔到,平時計係三日一個騷,北海道 trip十二日,當四個騷計,如果要 OT,真係唔夠最低工資,原本三月中出發,因為破冰船有問題要延期,我份約三月尾就完,所以仲未知使唔使去?」決定離開,但周嘉莉希望日後以外援身份,為亞視幫手做主持。「我好多謝葉家寶俾機會,如果佢哋要我幫手,我好樂意。始終欠薪係一個人嘅問題,希望快啲有新老闆出現,因為班同事真係好可憐。」

冼國林早有女徒弟陳嘉桓,即將過檔的周嘉莉,現在也開始學功夫練拳。

周嘉莉(左一)經常被派做旅遊節目,跟住蔡瀾介紹好玩地方。

周嘉莉主持六合彩兩年多,在亞視算是出鏡率最高女藝人。

石天欣在無綫時亦試過每月攞唔夠最低工資,離巢後的她拍電影外,也在迪士尼樂園做兼職售貨員。

成為亞視發言人的葉家寶,每次出席活動,都叫藝人共渡時艱,大嗌迎難而上口號。

只益自己友

以「文化人」自居的胡恩威原是舞台劇導演,進念二十面體藝術總監,因被王征賞識成為自己友, 11年開始先後被欽點主持及監製《我要做特首》、《亞洲政策組》等時政節目後,政治立場亦由不滿政府改為偏幫。

不過最令人側目的是,亞視冇糧出,胡恩威卻以三萬蚊一集酬勞幫亞視做節目,包括在 2011至 2014年間的《我要做特首》共 248集;《亞洲政策組》共 270集;《東宮西宮》共 13集;《特首大辯論》共 6集及《政策大辯論》共 9集,合共袋走千六萬,加上由他主持及監製的節目,背景永遠以白色襯底,故有「白板人」外號。

鍾意就快D Share啦!
Related Posts Plugin for WordPress, Blogger...