有「國民初戀」之稱嘅秀智，今日（3月23日）被爆戀上長腿男神李敏鎬，二人蜜遊倫敦3日2夜。二人打得火熱，但秀智所屬嘅經理公司JYP娛樂就響起警號，股價隨著公開戀情而持續暴跌。
據韓媒《MKNEWS》報導，截至今日下晝1時12分（韓國時間），JYP娛樂嘅股價比起上個交易日大跌2.22%，市值估計已蒸發37億4400萬韓圜（約2605萬港元）。而截至下晝1時30分，另一韓媒《edaily》再報導JYP娛樂股價再跌3.54%，暫未見停止下跌跡象。
秀智本來係JYP嘅生招牌，唔通會因為戀情公開而變成公司瘟神？
