【短片】【9年情玩完】3個月前分手 傅明憲買醉 攬仔剝衫玩到癲
2015-03-07 17:51:00
傅明憲99年同香港上市公司海域集團主席葉劍波喺美國秘密結婚，但後來葉劍波因涉商業罪案被判入獄，兩人於08年離婚後，傅明憲未幾就同細佢11年嘅莊氏集團太子爺莊家彬譜出姊弟戀。但因為男方家族背景，傅明憲亦明白莊父莊紹綏仲未接受到佢，故亦同意低調談情。
即使拍拖9年，兩人鮮有被傳媒拍到一齊；即使雙雙出席派對或友人婚禮，傅莊亦十分避忌，就算拍拖都寧願夾時間等出埠先過二人世界。如此用心經營保護一段感情，兩人確是深愛對方。
雖然拍拖9年，感情深厚，而且男友亦鮮有緋聞，但GiGi貪玩性格難改，年前曾被影到在夜場攬仔，同場的莊家彬醋意大發，即場黑面捉GiGi訓話。據今日之周刊報道指，莊家彬因為已另結音樂人新歡，三個月前向傳明憲提出分手。
而去年11月，應是兩人感情存暗湧之際，本報就拍得傅明憲趁莊家彬離港，相約友人到中環狂歡，身穿粉紅短裙嘅傅明憲更於夜場內同一名西裝熟男玩得忘形，同坐梳化攬頸咬耳仔；兩杯落肚之後，傅明憲更出手替熟男解衫鈕及剝鞋，熟男奮力頑抗，二人雙雙跌到梳化後面之餘，傅明憲更擘腿露底走光，失手露出橫間內褲，儀態盡失。全晚該名熟男亦對傅明憲特別照顧，連去廁所都跟出跟入，形影不離。
當晚傅明憲與友人玩到凌晨5點幾，女方發現有記者在場，即解釋謂係林建岳前助手生日：「個男仔係我朋友嘅男朋友。」離開時亦刻意避忌保持幾個身位距離。不過傅明憲自從同莊家彬一齊後，已甚少如此醉後失儀，令人猜想二人當時感情已亮紅燈。
（資料圖片）
去年11月，傅明憲趁莊家彬離港，喺中環同友人狂歡玩到癲。（資料圖片）
（資料圖片）
（資料圖片）
（資料圖片）
（資料圖片）
|
鍾意就快D Share啦！
|
|
|
