戲假情真 對足 3個月勁冧 少時允兒強國收兵 [FACE - 407] 少時,允兒,少女時代,MF,

9/3週一（ 9日），允兒同林更新大早起身繼續談情，每日戲份由朝帶到晚，不過兩位面上就全無倦容。

真面目

戲假情真　對足 3個月勁冧　少時允兒強國收兵

韓國天團少女時代人紅賺錢能力勁，除唱歌亦瓣瓣掂，其中允兒喺老家片約不斷，今年拍劇拍到去強國，處女下海着古裝、賺人仔，主演投資 2億人仔的三國劇《武神趙子龍》，睇錢份上掉低男朋友仔李昇基……三個月咁多

橫店出咗名無啖好食，不過勝在去到邊都有戲中情侶，小鮮肉林更新做兵傍到實，片場玩得埋，落場咬耳仔，開鏡未夠一個月已經混熟變連體嬰，唔怪得連 die hard粉都懷疑允兒變咗心！

其他影片：>>十四爺冧晒　少時允兒賺人仔又收兵仔

唔係得個樣 pure又 true，允兒又真係少時最乖最識做一個。新劇未開，年頭出席廣州見面會已經大晒努力「煲冬瓜」成果，用國語講︰「我這次第一次去中國拍電視劇，我很緊張，可是我會努力的，請多支持我！」字正腔圓又咁長篇，三月開鏡，一月已經練到咁，抵班強國粉絲特別冧你、又抵片商咁貴都要請你嚟嘅！

橫店直擊

當少女時代遇上鮮肉時代，原來可以好快混得熟！上月 13日《武神趙子龍》首波宣傳，林更新已經同允兒咬緊耳仔！《新浪娛樂》圖片

因為賀林更新 27歲生日，允兒玩食字送上「新想事成」生日蛋糕，好多粉絲都話兩位郎才女貌好襯。網上圖片

頭貼頭切蛋糕

允兒 BB（左）食餐飯都要坐喺暗角、仲要細細啖，女神即係女神。

本刊橫店連日所見，原來允兒啲普通話唔係死記硬背，真係同劇組人員傾得兩嘴，尤其最多對手戲嘅林更新。

其實早排允兒一入組，就同林更新頭貼頭切蛋糕，已經惹來雙方粉絲猜忌，又估唔到乖乖允兒無懼緋聞，繼續同林更新行得埋！表面上係歷史劇，其實允兒飾演嘅「夏候輕衣」同林更新飾演嘅「趙子龍」之間嗰段愛恨交纏嘅戀愛至係由頭帶到尾，簡單嚟講，即係兩人喺鏡頭前奉旨拍拖，鏡頭後亦都爭取時間聯絡感情。

幾個月唔見男朋友李昇基，又要人在異鄉，允兒竟然一啲異樣都冇，行住爛撻撻泥地，仲識跳跳紮苦中作樂，難怪連粉絲都懷疑有人同李昇基感情有變，成功喺強國收到兵

8/3同住一酒店

個個女星去到橫店都呻凍，不過 2度對允兒明顯濕濕碎，離開酒店連褸都唔着；而允兒亦與林更新同住一酒店，拍完戲都唔怕悶

同允兒前後腳入片場，林更新（右）就冇女神咁多人服侍喇！

由天光拍到天黑，仲要行足五分鐘泥濘爛地至去到拍攝場地，難得允兒（中）唔嫌辛苦仲喺泥地跳跳紮。

林更新出名無論老嫩氹女有一手，同允兒拍劇三個月，大把機會獻殷勤。網上圖片

拍足 3個月，允兒不時要返韓國工作，林更新就孖女助手食飯。

男女通殺

88年出世，上海戲劇學院科班出身， 27歲林更新資歷唔算老，不過勝在星運亨通，出道處男劇就有得拍《步步驚心》，因為十四爺一角一炮而紅，白淨又嫩口成為強國一線小鮮肉。唔好以為佢淨係錫少時允兒一個，其實出道四年，林更新同熟女張靜初、少女周冬雨、連首富之子王思聰都傳過緋聞，電力無分男女、無分老嫩，仲無分國籍添！

各有各忙，身處一中一韓，好多粉絲都擔心允兒同李昇基感情有變。網上圖片

一出道就接到支好籌，林更新 11年因為拍《步步驚心》一炮而紅。網上圖片

鍾意就快D Share啦！

下一篇 》