97年港姐冠軍翁嘉穗，唔同其他佳麗踏上銀色星途。99年下嫁比佢大20年嘅七海化工集團有限公司兼海馬集團主席鄔友正，翌年更加為鄔家生下一個金叵羅。
以為一家三口係最終結果，殊不知41歲嘅翁嘉穗再佗男B，依家已經懷胎6月。喺早前嘅李敏鎬演唱會，肚凸凸嘅翁嘉穗就同老公就以贊助商身份出席傳媒招待會。雖然算係高齡孕婦兼有咗6個月，但身型依然纖瘦，只係個肚比較大。再睇埋個樣，41歲嘅翁嘉穗更加不留歲月痕跡，同當年參選不遑多讓。
對於老公60歲人仲有心有力，翁嘉穗就話佢哋生小朋友係崇尚自然，冇刻意造人。又話兩個已經夠晒數，唔會再追了。
