掃呢頁CODE去手機

2015年3月11日 星期三

真上岸 搭上金融才俊 前 AD2 Aily:整完容好多仔溝! [FACE - 407] Aily,MF,




難得同咪神拍拖,男友梁斌開心到喺 facebook放同女友 selfie相,不過 Aily話唔係拍拖喎,唔係啩?

網上圖片

真面目

真上岸 搭上金融才俊 前 AD2 Aily:整完容好多仔溝!

胡杏兒戀上金融才俊 Phil,開心到話自己中咗頭獎。其實釣金龜唔係大台花旦專利,好似騎呢剝模前 Ad2成員 Aily吳婕妤,同舊拍檔 Amy反面後,積極進化五官,靚樣加堅料身材,成為不少夜場打碟台柱,騷價 2萬人仔, Aily已經喺羅湖買咗樓做業主,最近仲搭上焯華金融副總裁。有樓又有姐仔最冧嘅金融才俊,估唔到 34D嘅 Aily仲未滿足:「我都未揀定!」

20歲 Aily吳婕妤當年以 AD2組合出道,最經典係喺《喜愛夜蒲 2》記招露暈,之後更被稱「露暈女」,由於 Aily頂唔住拍檔艾美琦 Amy愈搞愈核突,最終拆伙收場, Aily從此曝光率銳減。

Aily同梁斌拍咗拖唔夠半年,但感情穩定, Aily仲經常上男友公司。

網上圖片

AD2拆夥後, Aily主要靠打碟賺錢,每場穩袋 2萬人仔,上年仲做埋業主,相中背景就係佢羅湖的香閨,她說:「畀咗七成首期都過百萬㗎!」

網上圖片

13年同 Amy艾美琦(左)組成 AD2出道,當年二人經常玩「露暈」又互錫,呢張企定定相,咁正經叫好難得。

《蘋果日報》圖片

梁斌為金融公司的副總裁,辦公室全落地玻璃見埋維港景,一睇就知係高層。 Aily呢次真係溝到筍盤喇!

網上圖片

WhatsApp回覆

少見報唔等於撈唔起,拆伙後嘅 Aily,除咗學打碟,亦積極進化五官,經過一年時間去韓國大執,成個泡菜樣加上堅料身材,即成為唔少夜場愛用 DJ,打一 set 45分鐘穩袋 2萬人仔,最近仲喺羅湖買樓成為業主。她說:「喺羅湖買咗樓,畀咗 7成首期,全部用自己錢買!」

事業有起色,但都唔及桃花暢旺咁巴閉, Aily最近溝掂焯華金融副總裁梁斌( Kenice Leung),男方經常為財經雜誌寫投資專欄,對 Aily冧到暈,不時在自己 facebook晒恩愛。對於釣金龜成功, Aily仲可以扮勁咁話:「自從整完容靚咗愈嚟愈多仔!佢唔係我男友,我仲後生要睇多啲先,自己條件好咪可以搵到啲好男仔囉!」廣東人發達真係特別有計!

'15激改

Aily一向敢言,就連整容都夠膽認,韓妹樣加 D cup身材,又經常喺 facebook騷料,自然多仔追。

'13原裝

13年 Aily去《喜愛夜蒲 2》以 AD2成員出現記者會,當日更唔小心「露暈」成為焦點。

除咗打碟, Aily嚟緊仲會拍《男極探射燈》,戲中做女二,她說:「劇本話我有同梁齊昕、李逸戲做對手戲,我仲有床戲㗎,希望齊昕拍」

《蘋果日報》圖片

鍾意就快D Share啦!