掃呢頁CODE去手機

2015年3月6日 星期五

陳豪接 B有 dress code [忽然1周 - 1023] 陳豪,MW,




陳豪話要再追個女,所以要努力賺奶粉錢。講到出晒口,睇嚟 Aimee真係有排生喇!

媽咪姐

陳豪接 B有 dress code

一個男人有幾長情,唔係淨睇佢對另一半㗎!前幾日媽咪姐去咗醫院睇陳豪(阿 Mo)個 B,見到佢嚟接老婆陳茵媺( Aimee)同細仔出院,嘩!乜年幾冇換過衫呀?媽咪姐冇吹水㗎!仲記得大仔 Aiden(陳梓燁)喺前年出院,阿 Mo諗住調虎離山運走老婆,點知事敗。當日佢就係着住白恤衫襯黑 V領線衫。到細仔出院,都係同一襯法,仲要係同一件黑衫,長情得佢吖!老婆 Aimee都唔弱,鍾情格仔款外,奶粉袋都係揀番 Hermè s Garden Party款,呢個新橙袋轉咗布質,夠晒輕身。睇佢兩夫妻真係使得豪,又夠專一呀!







今年 2月

經一事長一智,阿 Mo今次好大方,冇再運路走。但佢呢日嘅打扮,真係同本刊攞番資料相刊登都冇分別,係多咗頂賊仔帽囉,好彩佢幫 Aimee拎住嘅袋,係 Hermè s新款嚟嘅啫。

14個月前,阿 Mo接大仔 Aiden出院,都係黑白配搭,件線衫仲一樣㗎!

前年 12月

Aimee同老公一樣專一,唔只鍾意格仔款,佢拎住嘅袋都指定係 Hermè s,但呢個皮款重好多,當奶粉袋用就有啲吃力囉。

細仔出世未夠兩個禮拜,仲未睇得出似邊個多啲。不過身為媽咪嘅 Aimee就好歡迎小王子嘅出現。

鍾意就快D Share啦!