網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2015年3月11日 星期三

崔建邦傳閃婚 翻版千語晒幸福(陳嘉莉) 陳嘉莉,崔建邦,吳千語,千語




崔建邦傳閃婚 翻版千語晒幸福



其他影片:>>






翻版千語收服媾女王 傳同崔建邦閃婚

現年三十五歲的媾女王崔建邦昨日驚爆閃婚,傳月前在外地秘娶Mandy Lieu旗下𡃁模陳嘉莉(Kelly),年僅二十二歲的Kelly來自廣州,樣子酷似吳千語的她擁32、24、34身材,成功俘虜情場浪子崔建邦,僅撻着兩個月即閃電同居,愛得癡纏的Kelly陪崔建邦出席友人飯局時,還豪邁地幫男友頂酒,還在社交網晒命搵到愛人:「這是我前世修了幾多年的福份。」

崔建邦與前度唐詩詠離離合合、又曾涉毆打舊愛「中巴」鄺敏慧,當年他因感情一塌糊塗被無綫掟入雪櫃,重出生天後變得低調,不過其感情生活依然多姿多采,去年初與唐詩詠終極分手後,原來已火速搭上來自廣州、比他年輕十三歲的𡃁模「翻版千語」陳嘉莉,據知兩人大半年前相識後即撻着,拍拖短短兩個月已搬到崔建邦的飛鵝山寓所展開甜蜜同居生活,愛得難捨難離。



■在情場打滾多年的崔建邦媾女無數,昨驚傳秘娶比自己細十三年的「翻版千語」陳嘉莉。資料圖片



■由廣州來港發展的陳嘉莉,大半年前成功俘虜情場浪子崔建邦。圖片



吳千語

「像爸爸一樣愛我」

身為Mandy Lieu公司旗下𡃁模的Kelly,來港發展後知名度不高,有指她為免影響男友事業,兩人經常在家玩煮飯仔,惟打得火熱的他們卻悄悄在社交網洩密,不但分別上載去游水的相,去年八月前Kelly貼童年與爸爸的合照,留言晒命搵到愛人:「我爸爸是我一生的男神,如今我竟遇到第一個可以像我爸爸對我一樣好一樣愛的人。教導我、照顧我、呵護我……究竟這是我前世修了幾多年的福份。」一星期後再貼收玫瑰花的相,甜絲絲寫道:「這是我二十一年來第一次慶祝這樣的日子,Thanks my dear!」



■陳嘉莉(左)是Mandy Lieu(右)師妹兼受力捧。



■去年崔建邦與陳嘉莉前後在社交網貼沙灘相,二人閒時會去享受陽光與海灘。互聯網圖片



昨日有傳兩人已於月前在外地秘密註冊,並計劃今年八月補擺三十圍喜酒大宴親朋,記者向崔建邦恭喜,他用英文短訊回覆:「Hahaha,it's not true.(哈哈哈!這不是事實)」而Kelly所屬模特兒公司Quest的經理人Marie在電話否認:「梗係唔係,冇可能,啱啱先簽新合約,佢仲會繼續發展。我唔會問佢,都唔係事實,如果有呢啲喜事會講。」問Kelly是否跟崔建邦拍拖?她說:「知佢哋係朋友,Kelly兩年前嚟香港發展,拍過大型廣告,佢係公司力捧新人之一,𠵱家仲訓練緊,所以知結婚唔係真。」



【晒花】

■陳嘉莉自與崔建邦拍拖,不時在網上晒幸福。



【示愛】

Sweet爆去飯局

雖然崔建邦否認秘婚,但高鈞賢昨爆曾見過Kelly,還大讚兩人愛得癡纏,高鈞賢在電話說:「唔知佢結婚,聽到都surprise,上個月喺私人飯局見到佢,佢帶女朋友出嚟,應該係Kelly,後生女好細個,嗰晚個女仔都好飲得吓,幾保護Amigo(崔建邦),男仔通常食飯會敬酒,個女仔出手幫佢頂紅酒,幾飲得面不改容,我哋都O嘴,嗰晚Amigo電話仲跌咗落屎坑,個女仔又陪佢去買電話,都幾黐崔建邦,又幾social,唔會唔理朋友,如果真係結婚恭喜佢。」

採訪:皓騫

鍾意就快D Share啦!