掃呢頁CODE去手機

2015年3月10日 星期二

換衫場面疑走光 梁小冰唔怕被截圖 梁小冰,




【人妻裸背】換衫場面疑走光 梁小冰唔怕被截圖

2015-03-10 22:41:00



(攝影:葉君海)

港視劇《導火新聞線》今晚首播,眾演員包括梁小冰﹑王宗堯﹑周家怡﹑梁健平﹑黃美棋﹑陸駿光﹑姜文杰﹑楊天經等等,喺尖沙嘴一間火鍋店出席打邊爐飯局。

講到梁小冰喺劇中有裸背場面,佢話:「係呀,五秒咋,嗰場戲好難忘,嗰條片拍完都鎖喺冰姐(港視高層)嗰度,佢好保護我。」小冰表示該場戲係講佢入到房除衫,然後將件衫放喺床,佢再行入廁所,小冰謂:「拍完後睇Playback,導演好緊張同我講:『你走光呀﹗』。」

原來係側邊有部機,影到小冰胸形,而導演亦好錫佢,再拍多次,小冰話:「但我真係驚走光,變得好唔自然,最終用返第一Take。」問佢怕唔怕被網民截圖?佢話:「做演員冇諗咁多嘢,老公同個仔都知道,個仔仲話:『點解你背脊咁污糟』。我對呢套劇有信心,雖然唔係免費平台,相信口碑會係好嘅。」

另外,周家怡喺劇中演記者,佢話本身係政治冷感嘅人,但知道要拍呢套劇,多咗睇新聞,原本安排去報社做實習記者,最後都係冇,因為都幾難。問佢喺劇中有冇感情線?周家怡表示劇中姜文杰暗戀佢,兩人會有一場梳化床上戲,家怡笑言入行以來最激一次,佢話:「我會畀姜文杰扯開件衫,不過佢拍時都尷尬,拍咗好多個鐘,因為每次佢對手去到我個胸部時,佢(姜文杰)好自然去咗我背部,因為佢唔敢掂,好避忌囉,佢成日話驚畀人笑,話佢唔得。」



周家怡與梁小冰老友鬼鬼。



美棋BB





周家怡喺劇中同姜文杰有激烈床戲。



姜文杰





梁小冰裸背。(導火新聞線截圖)

鍾意就快D Share啦!