網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2015年3月28日 星期六

溫家偉傻笑默認與吳若希關係 「如果有好消息,我會講!」 吳若希,溫家偉,

吳若希出席活動時風騷晒腿,大談對戀愛的憧憬。

【太陽報專訊】「緋聞女王」吳若希勁多人追,最近與大隻仔溫家偉的戀聞愈傳愈勁,昨日她上傳疑似被啜面照露玄機,似要公開「另一半」,而「被蒙面」的主角大隻仔溫家偉回應時亦終吞吐默認彼此關係:「如果有好消息,我會講!」令曾與二人各自傳緋聞的蔡思貝及周志文瞬間被擊倒!

被封「緋聞女王」的宅男女神吳若希(Jinny),與緋聞男友「大隻仔」溫家偉(Alan)的戀情又有新進展。昨日Jinny上傳一張以卡通遮樣的照片,但仍可見男方疑似親向女方面珠,而從髮型及服飾可推斷女方就是Jinny,有Fans懷疑相中男正是大隻仔!《衝線》劇中主角緋聞多多,今次Jinny半公開地肯定大隻仔的地位,即時令曾同於「緋聞圈混戰」的蔡思貝及周志文降呢成Loser!

表明要開心Share

大隻仔早前公開表示只叫Jinny做「BB」,昨日他接受本報記者訪問,回應有關「蜜照」一事時不停傻笑,起初更否認是相中人:「嗯……唔知嗰個男仔係邊個喎!哈哈!張相有個公仔遮住,所以我睇唔清楚!似一個男仔囉!」但問到是否經常影親密照時?他卻解釋:「我又唔覺好親密喎!你知啦,用電話影相點都要黐埋啲,太遠影唔到!我本身覺得如果大家好Close,咁影相都冇乜問題吖!(你依家同Jinny進展如何?)冇乜分別,仲係好Friend,唔知將來係點!」對於Jinny於Facebook吐苦水,他即掩不住體貼之情:「如果佢覺得辛苦,大家畀啲空間佢如果有好消息,我會講!」平日「有嗰句講嗰句」的大隻仔,今次吞吐默認「BB」女友,係咪想低調保護戀情?

而Jinny公開完照片,昨日與林盛斌(Bob)及魔術師甄澤權現身荃灣出席活動時,她卻自稱是宣傳:「公開?唔係!大家想知相中人係邊個好簡單,睇《衝線》大結局就會知!(真實生活嘅真命天子?)我都好期待真實生活有一個啱嘅人喺啱嘅時間出現,無論劇入面同現實生活都係。如果我有戀情一定公開,仲會有好真實嘅嘢Share出嚟!」她對與大隻仔的關係不置可否:「佢係我一個好知心嘅朋友。(進一步發展?)睇吓點」

嗚咽否認「被包養」

另外,Jinny昨日在Facebook指出道以來避不了被穿鑿附會:「當中一個正是林姓朋友。」嬲到震的她更在活動上回應連日來的傳聞,委屈嗚咽:「成日話我被包養,都費事再講,根本冇呢件事!」早前她接受《好報》訪問時亦曾發誓冇被包。幾近落淚的她說:「最唔開心唔係因為寫我,而係影響到一啲根本唔應該受影響嘅人!我同邊個影一張相都可以被亂咁作!」她又勞氣地質問:「我係咪唔可以有普通朋友?係咪連私人時間都冇?我乜都OK,入得呢行預咗,但可唔可以唔好搞我身邊朋友!」

溫家偉尷尬傻笑回應緋聞。
鍾意就快D Share啦!