掃呢頁CODE去手機

2015年3月3日 星期二

傳成龍全副身家畀祖名 吳綺莉:我真係唔會再答 祖名,吳綺莉,成龍,房祖名,




傳成龍全副身家畀祖名 吳綺莉:我真係唔會再答

2015-03-03 09:00:00



(攝影:葉君海)

噚晚有線喺尖沙嘴舉行有線周末娛樂大春茗,好多藝人好似有黃美棋、王喜、吳綺莉、梁思浩、陳彥行同黎燕珊都有出席,現場有一個切燒豬嘅儀式,梁思浩就講笑話:「有有線,仲使咩要無綫,我講電話。」

喺訪問嘅時候,問到吳綺莉有冇留意房祖名嘅事,佢就話:「冇留意,過年前要開工過年後要放假。」講到成龍親手為祖名剪髮寓意重新出發,佢就話:「唔係好關我事,其實我每日起身都會檢討自己重新出發,人要進步嘅,可能我教細路,所以都學到好多。」講到佢嘅囡囡依家係反叛期,會唔會怕佢學壞,佢就表示做家長要向好嘅方面諗,仲話囡囡都算係還可以,不過都話囡囡都會有啲激心嘅事。

早前有傳祖名就喺獄中寫咗封信,內容係話欠缺父愛,所以有今日嘅情況,吳綺莉都係單親家庭,又怕唔怕會出現呢個情況,佢就話:「其實一個家庭,先唔好講單親定雙親,我都學緊身教,係一問好大嘅學問,人哋嘅嘢我就唔知。」今日就有報道就話成龍嘅全副身家會畀晒祖名,唔會見小龍女,佢就話:「人哋嘅嘢我唔會回應,講咗成萬次,我真係唔會再答。」



吳綺莉話冇留意房祖名嘅事。



梁思浩話:「有有線,仲使咩要無綫,我講電話。」



鍾意就快D Share啦!