雖然王宗堯做娛記為《導》劇宣傳，不過都唔 hea做㗎！造型都抄足娛記，連大會公關都畀張記者貼紙佢。
男神當日用嘅係 Sony-qx1，大約$3,980。佢一共買咗 3支鏡，用咗成皮嘢㗎喇！
全知言
王宗堯潮 cam扮娛記
《選戰》後王宗堯變身男神，新劇《導火新聞綫》飾演爛撻撻記者，男神玩頹廢一向拿手。今次男神仲有另類宣傳，就係真係去《蘋果》做一日娛記。上週四（ 12日）王宗堯就去咗採訪王菀之活動，佢戴黑框鏡、風褸、牛仔褲，外形就十足喇，連企喺佢隔籬嘅妹妹仔都唔知男神喺左近，可惜部相機就出賣咗佢，佢嗰部表面係 iPhone，但支鏡頭就係 Sony嘅高科技鏡頭，可以無線連接 iPhone，質素唔差過啲單反㗎，但唔會有娛記攞嚟影相囉。而男神就話：「呢部買咗成年喇，用咗成皮嘢買，我得閒都會用來玩吓。」
|
鍾意就快D Share啦！
|
|
|
