網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2015年3月19日 星期四

畫到出腸  E神阿徐漏夜潮拜 陳冠希自封 Playboy [壹週刊 - 1306] 阿徐,EASON,E神,陳冠希,徐濠縈,M1,



探熱針

畫到出腸  E神阿徐漏夜潮拜 陳冠希自封 Playboy

除了做潮人、賣潮衫賺錢,最近 Edison陳冠希學人踩過界玩藝術研究,同朋友合辦 3125C活動,賣自家藝術品之餘,再賣埋潮 tee,同時請來神級紋身大師 Dr. Brian Woo來港駐場即排即紋。

陳奕迅、徐濠縈、大肚鄭希怡同老公漏夜到場潮拜紋身大師,余文樂即場紋羽毛, Edison最誇張,在側腹位置紋 Playboy兔,認定自己「玩家」之位,果然畫公仔畫到出腸!

黑色星期五

一向鬼主意多多的 Edison,百無禁忌選擇在黑色星期五(三月十三日)舉行他首個名為 3125C的藝術展,晚上七時, Edison在銅鑼灣自家潮服店內招呼朋友,繼而到附近茶餐廳醫肚,食飽飽,再折返鋪頭,恭候一眾貴賓大駕光臨。

身為 Edison契姐,徐濠縈九時多便現身,與一班潮人閒聊,直到深夜十一時,陳奕迅、徐濠縈、大肚鄭希怡與老公 Andy、曾國祥等人,陸續去到 3125C位於時代廣場後面的大廈單位,參與狂歡派對。

312C項目在霎東街某大廈的 13樓搞了個 pop up store, Brian在店內為客人紋身。

Edison紋了個 Playboy兔在腹側,與他現實中 Playboy形象很夾。

余文樂向來喜歡紋身,知道 Brian來港,他除了潮拜他之外,還即席紋了條羽毛在手臂。

鬼祟走後門

眾人在單位內潮拜紋身大師 Dr. Brian Woo, Edison更即場紋了個 Playboy兔圖案,「 Edison紋 Playboy兔,擺明『歌頌』緊自己其實當晚 Yumiko都好想紋,不過佢佗住 BB紋唔到,平日 Dr. Brian Woo一個細嘅紋身收二千美金,不過自己人紋有友情價,余文樂嗰晚 party冇到,不過佢第二日都嚟咗搵 Brian,紋咗條羽毛,好靚!」

派對至凌晨二時多才完結,拎住支酒飲住落樓的 Edison,與友人上車後齊齊回家, Eason、徐濠縈及鄭希怡則鬼祟從後門離開。

徐濠縈先到 Edison銅鑼灣的地鋪會見一班相識已久的潮人,酒量不淺的她飲了多杯香檳仍很清醒。

煙癮甚大的 Edison,多次進出店鋪抽煙,其間多次怒視記者,很不禮貌。

Eason晚上十一時多出席派對,在樓下見到老友,即互擁吹水數分鐘才肯搭𨋢上去。

租快閃店

早前香港第一個衞星藝術展一連三日在 Art Central舉行,來自二十一個國家展覽隊伍當中, Edison都有份,「呢個衞星藝術展,吸引咗好多新一代嘅藝術家參與, Edison呢幾年學人玩藝術研究,尤其係美國街頭藝術,佢身邊又多呢類朋友,講講吓就搞咗今次 3125C嘅 project。」有知情者說。

由於展覽會只得三日,於是 Edison提議租借單位,繼續舉行展覽,「個單位係 pop up store,十日後就要清場交番俾業主, Edison不嬲都多主意,係佢構思個單位一邊放藝術品,另一邊放佢自己嘅潮 tee,中間就係 Dr. Brian Woo表演場地,佢係神級紋身師,《時代》雜誌都訪問過佢,歐美地區出晒名,好多人嚟都係為咗見吓佢咋!」知情者說。

凌晨二時多派對結束後,飲到大大哋的 Edison見到記者拍照先擺出一副驚訝表情,拿着酒樽的他,定個神後再怒睥記者。



曾國祥與陳奕迅特別抽空撐老友 Edison場,順道潮拜紋身大師 Brian。

鄭裕玲愛藝術作品,除了第一時間去睇展覽外,見到 Edison亦忍唔住集一個郵。

鍾意就快D Share啦!