周日（ 1日），攝石人吳若希成功頂上《街頭魔法王》主持空缺，俾大台力捧樣樣有份，個樣殘啲個人攰啲實屬正常。
真面目
攝石希 頂雪藏許奕妮 吳若希又畀佢攝到
幫大台打工就要預咗肯做肯捱人工奀，長期坐冷板凳係應份，難得有通告，嗱嗱嗱，千祈唔好推吖，除非你想入雪櫃避暑
大台小器如方丈全宇宙出哂名，可惜人類就係要犯同一個錯，今次輪到新姣精許亦妮，明明接哂劇本定好造型拍《鬼同你 OT》、臨開鏡又話要辭演，即被掂入雪櫃、連新一輯《街頭魔法王》主持都臨時換人。估下邊個成功攝入？之唔係新晉攝石人、方丈大台錫到燶力捧嘅金曲金吳若希囉！
大台固然霸道專橫又小器，不過許亦妮亦都唔係善男信女，四年前選港姐已經被爆𠝹仔成性、出親手都非富則貴， 13年搭上太陽娛樂董事 Andrew又被拍到夜撩霍啟剛老友詹勝，替補 DaDa拍《喜愛夜蒲 3》亦撩事鬥非扮大牌被杯葛。好在姣樣入型入格，獲監製厚愛承包大量小三、闊太、麻煩友角色， 13年《老表，你好嘢！》之後更在電視城勉強站得出陣腳。
得罪方丈
週日(1日)，喺油麻地果欄錄影嘅新一輯《街頭魔法王》，許亦妮完全唔見蹤影、改由家陣要風得風嘅吳若希攝位成功，做埋女主持。播完套《名門暗戰》亦再冇劇集等出街，許亦妮個人社交網站自從去年聖誕最後開工，至今三個月全天候遊玩鳩嗚自拍見閨蜜。
休閒到咁，緣於套《鬼同你 OT》，開鏡第一日至突然以「屋企有事」為由向監製請辭。全人類包括陳豪、田蕊妮都已經開緊工，即搞到成組台前幕後同監製徐正康頭都大埋。工作態度欠佳、又有傳要求加薪四倍獅子大開口，再加埋《鬼》劇開拍至今，許亦妮社交網絡動向繼續風流又快活，說好的「屋企有事」呢？又難怪方丈認真嬲嘅！益咗邊個？咪就係攝石希囉！唔知又會唔會唱埋主題曲呢？
無處不在
半買半送由星煥三線歌手變大台親生女，去年開始吳若希極受器重。繼〈越難越愛〉後，今年繼續唔俾佢停，嗰頭播完《倩女喜相逢》，新劇《衝線》又有份，再主唱重頭劇《天眼》主題曲〈美好的時光〉，由朝攝到晚洗腦，出年再攞金曲金獎不是夢！
|
鍾意就快D Share啦！
|
|
|
