網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2015年3月4日 星期三

為錢埋建制堆 左仔歐陽廣榮:抽我水冇問題! [FACE - 406 - 大專校園] 歐陽廣榮,MF,




對於自己參加過軍事夏令營而自豪嘅 Terrance,唔怕喺城大校園着上迷彩軍服耍拳,不過當記者叫佢去民主牆前面耍,佢就耍手擰頭,「唔好喇,嗰度太多人,無謂搞大件事!」

Main Camp

為錢埋建制堆 左仔歐陽廣榮:抽我水冇問題!

二月中播出的一集《鏗鏘集》以「青春的眼淚」做標題,聽落娘到接受唔到,點知有個自稱典型香港仔嘅 26歲歐陽廣榮( Terrance),喺 6分幾鐘嘅訪問入面膠論連連,「爭取(真普選)純粹為發洩,呢家個局面同冇做過有咩分別」、「你仲愁緊三餐嘅時候,你追求嘅公義,邊個畀到你?」節目一出街,高登仔又有得發洩

呢個「敢言」嘅新星滿口「道理」,其實說穿了係為自己創業,建立人脈而埋建制派堆搵着數, Terrance自己都不諱言:「我同普通一個泛民或者其他人一樣,都係靠自己努力去做自己想做嘅嘢!」哦!

Terrance去年在城大電子工程系畢業之後,試過投資三萬蚊創業搞補習社,但因為資金同人脈唔夠,做咗九個月就放棄。出身基層家庭、現職電腦工程嘅 Terrance一心要發達,檢討完失敗原因,決定發揮佢口中嘅「香港仔精神」,就係邊度有利益就去邊度,「我之前創過業,我知道創業嘅辛酸同難處,建制派有好多做生意好叻或者社會好有地位嘅人,加入建制就正正可以加強自己嘅人脈,搵到多啲機會!」

喺城大讀書做過學生會主席嘅 Terrance(中),冇諗過會變成傳媒爭住訪問嘅對象,對於自己成為焦點,難免有啲沾沾自喜。電視畫面

Terrance呢個世界仔好識把握機會向上流動,除咗幫建制做地區宣傳工作,佢仲會去商會嘅聚會,認識更多有潛力嘅生意夥伴。電視畫面

除咗做電腦工程人員份正職之外, Terrance會接建制派嘅 freelance,設計活動海報、活動嘅流程,「平均一個月接兩、三單,都有兩、三萬蚊袋!」電視畫面

「香港仔」出晒位

電視畫面

歐陽廣榮憑住《鏗鏘集》出位言論神速上位,即使有人話佢漢奸、共狗,佢都一於少理,繼續「行得正、企得正」。

企喺城大民主牆前面, Terrance對後面大海報標題嘅感覺係:「我唔同意佢(普選)係一個爛橙,一人一票選出嚟嘅特首係要向市民負責。」咁得 689票呢?

「 fb朋友唔係朋友」

為咗再次創業盡快賺到錢, Terrance甘心樂意幫建制做事,仲夠膽將自己嘅「膠論」公諸於世,中二參加過青少年軍事夏令營,令他引以為傲,連續 15日接受軍訓式訓練,現在成為他炫耀背景之一,大學參加政黨實習計劃去過建制派做實習,唔激嬲班黃絲至奇!「節目出街之後,我都 deactivate自己 fb,再開過另一個新 a/c,我唔想私隱唔情願地被公開,反正 fb嘅朋友對我嚟講都唔係朋友,只係關注對方嘅平台,有人會因為我嘅言論 unfriend我,我冇所謂!亦都有好朋友拎個節目嚟抽水,我 ok,大家有溝通,就算政見唔同,但我知佢性格,佢知我性格,抽水冇問題!」

Terrance憑住大膽言論成功出位,仲自爆數得出嘅媒體都搵緊佢做訪問,「啱啱做完個電視節目,估唔到同學民思潮發言人黎汶洛同場講政見,大家太睇起我啦,我都係做自己覺得啱嘅事,講自己嘅諗法啫!」你有咁獨到嘅見解,唔搵你搵邊個喎,歐陽廣榮!

7月洗腦營愛國第一步

訓練營嘅地點位於粉嶺新圍,不過四周人影都唔多個,仲要日日對住啲駐港部隊阿 Sir,以為自己返咗祖國咁款!

Terrance去完個軍事夏令營鬼咁自豪,佢喺入面係咪俾人洗咗腦?其實每年 7月都會有 260個名額畀中學生去體驗駐港部隊嘅生活,一連 15日要不停步操、耍軍體拳、實彈射擊、升國旗、聽講座、參觀海事基地同埋要跟足駐港部隊嘅生活起居模式,咪以為咁辛苦冇人參加,大把有心人爭住報名,參加費用仲要全免,踏出成功親共第一步!

鍾意就快D Share啦!