網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2015年3月11日 星期三

抱狗連體 賈曉晨樊少皇食茶記慶元宵 [FACE - 407] 樊少皇,賈曉晨,MF,




橫店直擊

樊少皇喺餐廳全程黑面,反而出到門口即刻變臉笑晒,仲識擔遮照顧女友 JJ。

真面目

抱狗連體 賈曉晨樊少皇食茶記慶元宵

少時允兒有林更新陪住行孖咇;同在橫店為另一劇集開工的 JJ賈曉晨和樊少皇,更加黐到實。其實兩人 12年撻着,期間是非多多,一時傳出 JJ係第三者破壞樊少皇家庭,一時又傳兩人分手,極速玩完。

你有你鬧,當事人反而打風打唔甩,最近齊齊在橫店,接拍由吳奇隆投資的古裝大片《蜀山戰紀之劍俠傳奇》,攞正牌拍拖。不過對得多當然有反效果,本刊在橫店發現樊少皇唔多理 JJ,元宵佳節當日,冇燭光晚餐唔在講,更全程黑面!唔通 JJ呢排冇請男友去旅行,搞到力王唔高興?

41歲樊少皇同 32歲 JJ拍拖 3年,一度傳出男方為 JJ拋妻棄女,令一向正氣的「力王」形象插水, JJ亦慘成小三,兩個攬住衰!

JJ撩男友一齊睇自己個電話,點知樊少皇係咁易望下又拎轉,攞明唔俾面喎!

男友零反應,冇癮 JJ都冇晒計,惟有望下街發呆打發時間。

遮女友上車,呢啲先叫服侍周到嘛!

一家三口多隻狗

《蜀山》劇組新年前搞飯局, JJ同樊少皇(前排)拍拖出席,同場仲有 JM(後左二)、劉詩詩(左三)同吳奇隆(左四)兩公婆。

事過境遷,樊少皇同 JJ愈來愈恩愛,兩人近期更以情侶檔演出內地劇《蜀山戰紀之劍俠傳奇》,孖住賺人仔。

但又點估到,月初元宵正日( 5日),兩人竟在橫店一間港式茶餐廳做節,期間樊少皇全程黑面,又掛住篤電話,即使 JJ出盡力喪撩,樊少皇都係敷衍望兩望,戲都懶得交!食食吓仲巨星上身戴埋超。悶足成餐飯,樊少皇留低女友同隻狗,一支箭衝去埋單,同老闆娘反而有講有笑。比起之前唧都唔笑個樣,分分鐘以為老闆娘先係樊少皇條女呀!

JJ又送禮

有車有樓的 JJ,除了同樊少皇共同享用財產之外,仲貼埋錢請男友旅行,先後去過澳洲同歐洲,連樊少皇都曾經講過環遊世界要靠女友!貴為圈中小富婆, JJ在剛過去的情人節,又要做送禮勤,出招冧男友。又有禮物收的樊少皇亦好識做,即刻上微博晒命。搵到個富婆做女友,又確係值得晒嘅!

網上圖片

《蘋果日報》圖片

鍾意就快D Share啦!