《使徒行者》電影版林峯、阿佘當然繼續孭飛，據知女角暫時得阿佘，戲分唔駛擔心，林峯對住 4位加盟男角，戲分一定冇咁搶。
真面目
安全檢查 河蟹冇黑警 《使徒》電影版飛甩歡喜哥
《衝上雲霄》電影版雖然被高登瓊姐喪插不知所謂，但愈鬧愈多人睇，香港收過二千萬，大陸叫唔收得都過億。
有得賺大台當然食住條水，上年叫好叫座的《使徒行者》即刻拍板開電影版，除咗林峯、佘詩曼等埋位外，仲傳有古天樂、張家輝、劉青雲加強國小生郭濤加盟。卡士升呢，但劇情降呢，當日全民估黑警情節為遷就國內市場被率先河蟹，最慘連巴打最愛嘅歡喜哥許紹雄都冇埋，連佢都話：「我未收到通知喎！」
大台上年最收得劇集《使徒行者》最高 35點，開拍電影版事在必行，雖然《衝上雲霄》電影版被人喪插，但票房收得，大台當然唔放過搵錢機會，今次有傳《使徒》電影版仲搵嚟古天樂，劉青雲、張家輝助陣，為食埋大陸票房，更會硬加喺《爸爸去那兒》爆紅嘅郭濤幫手。
Benz：未收到通知
要打入大陸市場，除了要有大陸演員，劇情都要合乎「國情」，所以《使》劇中黑警全面消失，更要加插大陸打貪情節，絕對跟住習總近年打貪嘅節奏。鞋油落到足，北上攞批文冇難度，除咗情節要犧性，就連網友最 like嘅歡喜哥許紹雄都冇埋影，當日歡喜哥超 hit有傳開前傳，但𠵱家情節全改，又多巨星，歡喜哥都冇定企，而許紹雄週日（ 15日）喺電話回應未收到通知開工，他說：「其實都係聽你哋講，我就仲未收到通知，（冇得拍電影版會唔會失望？）唔會，唔會覺得可惜，做演員係被動嘅，公司開咪開囉。我嚟緊都要北上拍大陸劇。」歡喜哥好多嘢撈，唔拍大台電影都唔使擔心。
四猛男襯佘
強國人睇戲卡士先決，搵到乜人拍幾乎已決定你套戲喺強國收幾多，加上有傳大台一心想借勢捧佘詩曼上電影一線，咁林峯呢？
電視劇變電影
《衝上雲霄》收得，證明觀眾對電視劇變電影係有市，嚟緊除咗有《使徒行者》，仲有 n年前嘅《十月初五的月光》，加埋 hktv神劇《選戰》都有電影版，好好景呀！
|
鍾意就快D Share啦！
|
|
|