李思捷攝位最佳教學 [FACE - 409] 思捷,李思捷,MF,

李思捷扮唔覺意咁拉開黃心穎，馬神發現有空位就示意思捷企埋嚟。

全知言

李思捷攝位最佳教學

李思捷個《今晚睇李》上週收視得 17點，可以話係大台劇集播足 7日嘅導火線，嚟緊佢有份做嘅《以和為貴》出街喇，全劇演員上週三（ 18日）喺車公廟宣傳，李思捷面對馬德鐘更加霸氣盡失，行行企企冇人理佢。

之不過一有機會李思捷就唔放過，全體影大合照時被馬神逼咗去後排嘅思捷，突然伸脷兼舉手引人注意，轉頭輪到主要演員合照，本來黃心穎企喺徐子珊隔籬，唔知點解俾李思捷拉開咗，馬神又好醒扒咁示意思捷攝番個位，就係咁，李思捷又佔據有利位置！

成功攝位，黃心穎同朱千雪學嘢

舉手都未夠，索性用手壓低黃心穎，呢招都算毒，難得心穎 BB仲識得笑！

李思捷俾馬神逼咗去後排，惟有舉起手指公搶鏡。

鍾意就快D Share啦！

下一篇 》