掃呢頁CODE去手機

2015年3月12日 星期四

肥G.E.M.登陸小巨蛋 超低胸。肥腰。粗大髀 G.E.M.,G.E.M,BKD_S,鄧紫棋,



【真係宇宙「巨」】肥G.E.M.登陸小巨蛋 超低胸‧肥腰‧粗大髀

2015-03-12 21:45:00



G.E.M.真係肥咗喎。(台灣蘋果日報圖片)

宇宙巨G.E.M.鄧紫棋今晚處女登陸台北小巨蛋開個唱,呢次係佢巡演第55場,一如以往坐太空艙道具現身,一出場即以低胸上陣,甫埋位就X嗌飆高音,全場沸騰,全場爆滿,票房收3500萬——新台幣。宇宙巨G.E.M.今次開騷最高票價仲貴過張惠妹,而且喺幾乎冇乜宣傳嘅情況下,4粒鐘內已馬上售罄,勁呀!

早前G.E.M.接受台灣傳媒訪問時,被問及同舊愛林宥嘉可否做番朋友,當時G.E.M.話:「這個要問他了,我open,但他消失。」難度暗示男方冇風度?之後記者再問G.E.M.想唔想Yoga嚟睇佢個台灣演唱會?G.E.M.又話:「隨他。」之後仲話:「我夢到過他們(指林和新女友丁文琪),內容不記得了,但夢到他們後,我有幫他(指林)禱告。」講到咁,點做朋友呀?

今晚林宥嘉當然唔會嚟睇啦,G.E.M.宣傳目的已達,自然專心唱歌,甫開場就唱《One Button》、《Oh Boy》,唱成名作《泡沫》嗰陣fans更是尖叫聲不斷。另外G.E.M.都有唱番佢喺《我是歌手2》唱過嘅《你不是真正的快樂》、周杰倫《龍捲風》與黃大煒《你把我灌醉》,展現「鐵肺」(台灣語)功架。

G.E.M.仲請來英國設計師Emma Wallace為佢打造八個look,LED呈現不同主題舞台,唱《A.I.N.Y(愛你)》時,腰部摟空紅色紗裙,雙腿若隱若現,唱到激動處跪喺台,紗裙被舞台下方嘅強風吹起,都幾性感,不過唔知G.E.M.係發福定係水腫,見佢雙腿頗具份量,摟空裙露出圓渾腰肢,贅肉亦無所遁形,但同時呢,上圍似乎又再升cup。

wow,拍埋落今晚周麗淇條蛇腰嗰度,就明白G.E.M.幾有「腹」氣0架喇。不過G.E.M.既然係Sell實力,冇所謂



一如以往坐太空艙道具現身。(台灣蘋果日報圖片)



埋位就X嗌飆高音。(台灣蘋果日報圖片)



嗌!(台灣蘋果日報圖片)



再嗌!(台灣蘋果日報圖片)



(台灣蘋果日報圖片)



大髀粗咗喎。(台灣蘋果日報圖片)



條腰有肉地。(台灣蘋果日報圖片)

鍾意就快D Share啦!