掃呢頁CODE去手機

2015年3月21日 星期六

人妻Kay遲大到 紅隧附近落車喪跑嚇親人 Kay,謝安琪,



【短片】【你影到了嗎?】人妻Kay遲大到 紅隧附近落車喪跑嚇親人

2015-03-21 14:33:00



其他影片:>>






【你影到了嗎?】人妻Kay遲大到 紅隧附近落車喪跑嚇親人

謝安琪(Kay)、鄭欣宜、黃美棋等藝人今日應邀到時代廣場出席《東華三院邁向145周年啟動禮》,食物及衛生局局長高永文及何超蕸主席擔任主禮嘉賓,Kay因遲到半小時,錯過主禮儀式。Kay到場後直認塞車遲大到,佢話:「一出紅隧附近即落車跑嚟,見到我嘅途人好驚訝。」

Kay同老公張繼聰近日都分別開工拍嘢至清晨時份,湊巧都係喺西環附近開工,可以互相探班,仲經常相約食完早餐後才回家。Kay話同鄭嘉頴合作拍劇,稱呼對方為嘉頴BB,更笑謂:「劇中我哋咁多女仔都唔夠嘉頴BB拼搏,性感留畀佢啦。」

鄭欣宜最近推出新歌MV《你瘦夠了嗎?》,好評如潮,父親鄭少秋都大讚,欣宜笑道:「多謝,成日都叫佢唔好公開場合讚我。」欣宜近年認定自我,充滿自信,佢話:「我今年廿八歲,由零至廿六歲我都冇自信,同外表、家庭背景、身份有關,好易受出面聲音影響,忘記咗自己存在價值,依家學識接受自己,先可以散發自己獨特一面。」叻女!加油啦 !



攝影:卓寶花



識得等,一定係咁樣等。 (微博圖片)



Kay BB同佢嘅繼聰BB (微博圖片)



對眼真係唔捨得離開Kay BB…





依家嘅欣宜,充滿自信,十個讚!







鍾意就快D Share啦!