掃呢頁CODE去手機

2015年3月4日 星期三

大胸肌 何超揼錢 order增肥 劉浩龍加大碼:操大對波! [FACE - 406] 浩龍,何超儀,何超,BKD_S,劉浩龍,MF,




劉浩龍本身易肥,要短時間內增磅唔算難,不過要操肌,對佢嚟講就有難度,好彩最終都操到些少線條。

真面目

大胸肌 何超揼錢 order增肥 劉浩龍加大碼:操大對波!

做人如果冇夢想,咁同條鹹魚有咩分別?正如何超儀為咗圓夢,揼本開拍兼主演羽毛球為題材的新戲《全力扣殺》,查實唔少片商聽到題材時當場就打退堂鼓,好彩皇天不負有心人,新戲四月就會上演!

面對嘔心瀝血之作,超儀做足功課,除自己要扮邋遢肥妹外,其他角色都好有睇頭,好似劉浩龍就特登為角色而增磅加操,大騷肥厚胸肌同一對麒麟臂。

何超儀憑住《維多利亞壹號》奪得西班牙影后,去年再憑劇集《再戰明天》奪得大台最佳女配角,演技受到肯定。至於新戲《全力扣殺》,何超儀唔只玩騎呢造型,拍埋鄭伊健、鄭中基、梁漢文和劉浩龍等喜劇演員,仲玩埋懷舊喜劇 feel添!

郭子健要師兄操大對波同練粗對手臂,喺片場就日日打羽毛球,返到屋企仲要舉啞鈴。睇睇吓上圍真係勁喎!

勁食 pizza增磅

自知運動題材的電影唔易拍,更何況仲要加埋勵志喜劇元素,新戲《全力扣殺》角色造型勝在騎呢,飾演退役羽毛球手的何超儀,遇見鄭伊健飾演改邪歸正的劫匪,重拾對羽毛球熱誠。

作為女主角,何超儀造型都有好大犧牲,又塞綿花又化妝扮污糟邋遢肥妹;飾演鄭伊健左右手的劉浩龍,造型老土外,身形亦係亮點,事關師兄事前專登增磅操肌,他說︰「郭子健搵我嗰陣,一嚟就叫我操大對波、練粗對手,又要我剪短頭髮同曬黑,最慘我當時啱啱減完肥,點樣操大?不斷舉啞鈴,勁食 pizza同漢堡包囉。」

同伊健、超儀成班死對頭嘅鄭中基,戲入面都係羽毛球高手,成日玩針對放笑蛋。

自稱羽毛球高手嘅林敏驄,同伊健在監獄相識,後來仲跟伊健操練羽毛球。

伊健本身係揸槍打劫大賊,諗住用打羽毛球改過自生,但聽力有問題,要帶助聽器生活。

師兄嚴重弱視、伊健就聾,梁漢文就有隻手斷咗,個個都有缺憾。

超儀企硬開拍

五位殘兵再次重拾鬥志,連一把年紀嘅邵音音(右)都可以做羽毛球高手。

再次投資電影,超儀都非常緊張,新戲更率先在本週五( 6日)在日本舉行的「大阪亞洲電影節」作世界首映,超儀更提名最佳女主角,與蔡卓妍的《雛妓》等對撼。超儀說:「拍完呢套戲當圓咗自己一個夢想!回想開拍初期,周圍搵片商注資,個個聽到羽毛球題材嘅電影都縮沙,不過人哋愈係覺得冇可能嘅事,我就愈要去做,證明係可行嘅!」

超儀 10年前攞過香港羽毛球冠軍,之後被罰停賽搞到意志消沉,成日匿喺哥哥謝君豪嘅火鍋店,變到又肥又污糟,連阿哥都忍唔住要成杯茶照頭淋醒佢!

乜戲都接

近年師兄參與唔少電影,《竊聽風雲 3》和《 12金鴨》都開始加重戲份,剛剛簽約太陽娛樂已經接咗兩套新戲, Paco仲話要捧到佢上紅館添,係唔係真㗎?

《竊聽風雲 3》

《 12金鴨》

鍾意就快D Share啦!