網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2015年3月25日 星期三

啱 timing 着金秀賢舊鞋 撞正 MissA comeback 李敏鎬焗認戀秀智 1個月 [FACE - 409] 金秀賢,李敏鎬,miss A,秀智,MF,



上月 17日,李敏鎬約咗秀智去新沙洞酒吧傾偈談心,當時李敏鎬仲冇遮冇掩周街行!網上圖片

真面目

啱 timing 着金秀賢舊鞋 撞正 MissA comeback 李敏鎬焗認戀秀智 1個月

韓國偶像藝人一向唔興公開戀情,但週一( 23日)韓國網上娛樂雜誌《 Dispatch》就驚爆,剛於香港開完個唱嘅男神李敏鎬,原來同女團 Miss A入面嘅「國民初戀」裴秀智秘戀,繼上月二人被影到拍拖遊車河,本月中更齊齊趁住飛歐洲公幹,即相約在倫敦甜蜜蜜過浪漫 3日 2夜!

斷到正一正,李敏鎬唔認唔得;而先與金秀賢傳過緋聞,如今再認埋和李敏鎬相戀 1個月,下週一( 30日) comeback的 Miss A,呢鋪真係最佳宣傳喎!

10年秀智同金秀賢合作拍《 Dream High》,期間多次放親密合照上網,又係想迫人公開戀情喎?網上圖片

27歲李敏鎬自《花樣男子》爆紅後,一直站穩男神位置,《繼承者們》一劇更令中港台粉絲瘋狂,多次來港都迫爆機場,近日更成功搶走對手金秀賢新秀麗行李喼廣告代言……原來唔只搶走廣告咁簡單!

「小心見面的階段!」

週一( 23日)韓國網上娛樂雜誌《 Dispatch》驚爆,李敏鎬和 Miss A成員裴秀智秘密拍拖超過 1個月,李敏鎬更於本月中專程由巴黎坐火車到倫敦會佳人,浪漫渡過 3日 2夜。李敏鎬經理人於報導刊出後亦焗認二人的戀情。「李敏鎬與秀智交往 1個月左右,二人現處於彼此持有好感,小心見面的階段。」

秀智與男神李敏鎬拍拖,咁啱本月 30日就係 Miss A嘅 comeback大日子,隔咗年幾冇出碟, Miss A今次可謂收足宣傳效果。

其實 20歲的秀智於 10年接拍《 Dream High》時與對手金秀賢日久生情,期間秀智亦放過多張二人合照上社交網站,可惜二人拍拖年多後分手。連嗒兩大男神,秀智識食!

本月 12日,李敏鎬抵達巴黎公幹,三日後即飛倫敦會情人秀智。網上圖片

上月二人被影到戴情侶口罩。網上圖片

直到本月 15日,工作完的二人於倫敦香格里拉酒店會合,雖然前後腳又遮到實,但冇阻戀情被公告天下。網上圖片

Miss A將於 30日推出新專輯《 Colors》,隔咗年幾先有新歌,粉絲等到頸都長晒。網上圖片

女朋友們

李敏鎬高大又有型,女粉絲大把,但係女友實情真係唔多。入行多年只承認過與朴敏英拍過半年拖,緋聞女友都係得朴信惠一個!

有名無實

13年朴信惠加入李敏鎬的緋聞女友名單,其實係因為拍《繼承者們》而傳出二人撻着,不過二人緋聞隨住劇集播畢亦無晒聲氣。網上圖片

網上圖片

拍得半年

11年拍《城市獵人》時與朴敏英撻着,期間分過手又復合,但最終都敵唔過公開後嘅壓力,加上聚少離多,拍拖半年左右終於分手。網上圖片

網上圖片

開騷氹死粉絲

自 09年接拍《花樣男子》之後,李敏鎬除咗劇劇做男一之外,去年主演的電影《江南 1970》亦叫好叫座。

09年爆紅後,李敏鎬開始搞亞洲區巡迴演唱會,唱歌之餘,同粉絲拉近距離都好緊要! 13年首次在港搞聚會,幾乎機場淪陷。李敏鎬上週六( 21日)在亞洲博覽館舉行的演唱會,同主持傾偈期間識講「我愛你」冧粉絲,又請三位粉絲上台玩遊戲互動吓,最緊要係臨落台前都會俾一人一個愛的抱抱,紅係有道理㗎!

同粉絲玩遊戲期間,都要整個「我愛你」 pose!

上週演唱會,李敏鎬的歌衫冇乜大突破,既然係咁,惟有喺褲仔上突破一下!激凸呀!

完全唔吝嗇,粉絲埋到嚟就攬,不過有無真感情另計。

鍾意就快D Share啦!