死𦧲鍾舒漫 暗溝秘書 吳浩康辣㷫英皇 [忽然1周 - 1027] 英皇,吳浩康,浩康,鍾舒漫,MW,

因為被本刊揭發背住未婚妻鍾舒漫偷食巨胸𡃁模 Yvette，吳浩康被封為偷食男。估唔到佢獵女範圍都幾廣泛，就連英皇秘書都與他過從甚密。

娛樂喧

死𦧲鍾舒漫　暗溝秘書　吳浩康辣㷫英皇

新一代偷食男吳浩康上月連環背未婚妻鍾舒漫偷食，繼早前被本刊揭發他當街咀𡃁模 Yvette和約會人妻 Heidy後，原來吳浩康連公司同事都唔放過。早前吳浩康被影到與 Heidy及另一熟女於 dragon-i夜蒲後攬腰截的士。據知該熟女不單止任職英皇集團，更是老闆楊受成身邊的其中一名秘書，難怪吳浩康將無限期放入雪櫃。

其他影片：>>吳浩康溝秘書辣㷫楊生
>>心碎可以點？學鍾舒漫啦

犯下「天下男人都會犯的錯」的吳浩康，花弗史愈爆愈多，背着未婚妻鍾舒漫偷食，多名女伴身份逐一曝光。繼 35E𡃁模 Yvette後，早前吳浩康被拍到於中環夜店 dragon-i夜蒲，與兩熟女截的士，其後證實其中一位是人妻 Heidy，而另一位原來就是英皇集團秘書。「聽講佢係老闆楊受成嘅秘書之一。呢個世界真係好細，佢同吳浩康原本大纜都扯唔埋，不過大家都係蒲精，所以咪一拍即合囉！」知情人士指。

偷食斷正被飛的吳浩康冇得留低，隨即被未婚妻鍾舒漫「降呢」做朋友。周日（ 29日），吳浩康面容憔悴，身形明顯發脹，眼紅紅的他買飯盒回家醫肚。記者上前問及熟女是否公司秘書時，他充耳不聞急步返回寓所：「唔講喇，唔該！趕住返屋企。」

頹樣買飯盒

周日（ 29日）下午二時許，吳浩康拎住一袋外賣飯盒返家。現場見他雙眼通紅一臉落寞，拒絕回應記者問題匆匆入𨋢。

舒漫的抉擇

日前有讀者在街上撞到吳浩康與鍾舒漫約會，指男方想翻撻。但鍾舒漫公開表示二人只是朋友，上周六（ 28日）更在微博表明已經乾脆利落作出選擇。

熟女打孖上

《蘋果日報》圖片

吳浩康在夜場𠝹女無數，今年一月尾他在 dragon- i夜蒲後與人妻 Heidy及另一熟女一齊截的士。

熱情攬腰

《蘋果日報》圖片

據知當晚攬實吳浩康的熟女任職英皇女秘書，協助楊受成及楊其龍打理公司業務。身材高䠷的她喜愛夜蒲。

與楊生同場

楊其龍每年都在 dragon- i搞生日會， 2011年的 44歲生日派對，父親楊受成及盛智文都有出席，該熟女秘書（右一）及金牌經理人 Mani（左一）都在場。

dragon- i絕對是中環的夜店地標，每晚都有不少俊男美女到場消遣。由於是會員制，私隱度高，吸引不少圈中人幫襯。

入雪櫃難翻身

吳浩康早年因為藏毒被捕，形象已經插水，近年其表現總算中規中矩，三年前滿約即獲公司續約。知情人士透露：「當年藏毒事件發生，阿 Deep啱啱先同英皇簽咗十年約，公司見阿 Deep係初犯，決定俾次機會佢唔解約。近年阿 Deep努力表現自己，組 band、拍電影，又喺出面教泰拳幫補。公司見佢浪子回頭，所以再同佢續約。不過今次佢真係死性不改，同鍾舒漫拍拖公司已經開綠燈，點知好搞唔搞暗溝公司秘書。高層講明今鋪佢係咁先，嚟緊嗰幾年都幾難有嘢做。」

列入 dragon-i黑名單

2月 17日，本刊獨家拍得吳浩康與 35E𡃁模 Yvette食飯唱 K直落，玩到凌晨 1點，離開時二人情到濃時當街濕吻，咀足 15秒。

正所謂禍不單行，吳浩康不單被「雪」，亦被 dragon-i列入黑名單禁止入場。知情人士續指：「阿 Deep以前恃住係 artist兼識得 dragon-i老闆楊其龍（楊受成兒子）嘅關係，篤下個鼻就唔俾錢入場。原本楊其龍見佢係英皇人都算，不過依家佢搞到犯眾憎，就落柯打 black list佢。」

另一方面，鍾舒漫最終決定斬情絲，日前開口話：「同佢（吳浩康）做番朋友。」不過隨後即被拍得兩人到銅鑼灣食飯疑似復合。據知實情是吳浩康為翻撻舊愛死𦧲鍾舒漫，但鍾堅決拒絕。吳為此意志消沉，連平時鍾意打的泰拳都唔玩。早知今日何必當初呢！

鍾意就快D Share啦！

下一篇 》