網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2015年4月17日 星期五

幫鳳姐發聲 艾美琦選區議員撼白姐姐 [忽然1周 - 1029] 艾美琦,白韻琹,白姐姐,MW,



Amy雖然收埋 34D導彈,但仍穿上迷你裙露出一雙腿。深入虎穴都着成咁,難怪被嫖客眼望望。其經理人 Simon亦貼身傍實,確保她的人身安全。

娛樂喧

幫鳳姐發聲 艾美琦選區議員撼白姐姐

上周一( 6日),身穿超短裙的𡃁模 Amy(艾美琦)現身灣仔駱克道某大廈,身旁仲有一位男士傍實,這幢大廈正是「一樓一」林立的男人勝地。 Amy曾被指出席富豪飯局,又在富二代的援交相簿出現,今次現身一樓一莫非等錢使要賣身?

其實 Amy這次深入黃色架步,是為了 9月參選灣仔區區議員做問卷調查,她的競選政綱更着力為性工作者發聲,實行與有意參選今屆灣仔區議員的白韻琹對撼。不過白姐姐對這位嫩口對手,似乎唔放在眼內。








目擊嫖客走數

據知情人士透露:「前排同 Amy去深水埗食飯時,有個女人喺唐樓跑落嚟,追住一個男人攞錢,唔係老婆追老公攞家用呀!係鳳姐向嫖客追肉金。 Amy話原來啲鳳姐咁慘,除咗要冒住被嫖客打劫嘅危險,仲會俾人走數,未計分分鐘染到性病㖭。佢講到咁我哋就講笑話:『你不如去選區議員,幫吓啲鳳姐』估唔到 Amy真係坐言起行。」

本刊得知 Amy於上周一( 6日)會由其經理人 Simon陪同下到灣仔駱克道一幢滿布一樓一的大廈,跟內裏的性工作者做問卷。當日下午 5時許,記者直擊 Amy深入該大廈的過程。她與經理人先在茶餐廳商討做問券調查的策略,然後便一同步進該大廈。現場所見,大廈走廊企了不少色迷迷男士,他們不時向 Amy身上打量。而 Amy則不斷向個別單位按鐘,要求與鳳姐傾談。但不少鳳姐知道其來意後隨即關門,最後她只成功做到五份問卷。

身為現任灣仔區區議員的白韻琹,對於 Amy參選狂潑冷水。

踩入一樓一

上周一( 6日)下午 5時許, Amy與經理人 Simon前往位於灣仔駱克道一幢布滿一樓一的大廈做問卷調查,逗留兩小時才離開。

㩒鐘仔

Amy非常有耐性地洗樓,每次有鳳姐開門,她都有禮貌地問:「唔好意思,嚟緊我會參選區議員,想阻你兩分鐘,可以幫我做個問卷調查嗎?」

勇闖嫖客陣

正值一樓一的繁忙時間,走廊企滿等候的嫖客, Amy穿插當中不時被上下打量。離開時有位好心清潔阿姐叫 Amy不要穿得這樣暴露,以免被誤會。

「唔理外界抨擊」

Amy步出大廈後,記者上前與她做訪問。

記:記者  A: Amy

記:今次調查有咩發現?

A:我希望政府正視小眾嘅性工作者,俾到保護同保障。做完問卷我先知佢哋真係唔知染咗性病有咩渠道可以治療,我好想幫佢哋。

記:你想參選區議員?

A:係有呢個意向。

記:參選灣仔區,驚唔驚同白姐姐對撼?

A:唔驚又唔擔心,白姐姐心胸廣闊嘛,佢唔會嬲嘅!大家都係想為個區出一分力。

記:你曾經被傳去飯局同做援交,唔怕啲人用有色眼鏡睇你?

A:我想做啲有貢獻嘅事,以藝人身份發聲,希望可以受到注視,外界對我嘅抨擊我唔會理,只會做自己。

記者搵到 2011年成功當選灣仔(樂活區)區議員的白韻琹,她對 Amy參選似乎唔睇好:「我唔識 Amy,但若然冇任何功績、冇喺嗰區服務過市民的話,空降落區參選,咁樣係唔會攞到票。」

對於今年會否再次參選,白姐姐表示還在構思中,仲話如果有人肯支持好樂意去做。

Amy原來是黃夏蕙的契女,繼早前契媽公布話要選立法會議員,契女又話要做區議員,二人同樣咁鍾意出奇制勝。

問卷曝光

記者取得該份問卷,內容大概是收集性工作者遇到的困難,以及想得到哪方面的幫助。

踩場前做準備

起程做問卷調查前, Amy與經理人 Simon在茶餐廳內傾足一小時,其間二人手揸問卷討論。

為求出位去到盡

2013年,擁 34D上圍的 Amy和 Aily組成 AD2影出位寫真,每逢宣傳有記者在場例必奇招盡出,搶鏡招數有露暈、露乳、咀阿伯等。同年 8月 Amy還報警,指到佛山拍寫真時遭灌醉拍裸照。 Amy年齡不詳,有傳她 79年出世,已 35歲。

淫片流出

去年中, Amy有情慾片流出,片中的她赤裸上身,穿上 T-back做出各式各樣挑逗動作,看似非常享受。

驚現援交相簿

Amy曾被發現在中環富豪私竇的揀女相簿中出現,被指涉嫌援交。

三級寫真

𡃁模出身的 Amy拍過多本寫真集,其作風非常大膽,除裸露身體外,內容更涉及同性戀等元素。

男女通殺

Amy除以性感攻宅男外,她亦支持同性戀合化法,過往為宣傳為出位,她多次與女拍檔當眾表演錫錫及摸胸。

區議員參選資格

民選區議員年齡需年滿 21歲,住在參選該區,已登記為選民,且在提名前三年內通常在港居住。參選者在提名期內親自把填妥的提名表格(表格須由有關選區的十名已登記選民簽署及同意提名)和三千元選舉按金交給有關選舉主任,最後再由該區選民每人一票選出。

鍾意就快D Share啦!