網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2015年4月24日 星期五

劉華《失孤》涉抄《親愛的》 陳可辛:我會有律師信俾佢 [忽然1周 - 1030] 陳可辛,劉德華,劉華,MW,



被捲入「鬧雙胞」風波,身為君如好友的劉華,應該都相當難受。

娛樂喧

劉華《失孤》涉抄《親愛的》 陳可辛:我會有律師信俾佢

拐細路題材電影因鬧雙胞起風波。據知《親愛的》今年初在港上映,之前忽然有人放風,指陳可辛知道劉華拍《失孤》,趕拍《親愛的》截糊。不過事件峰迴路轉,電影界近日有消息傳出,原來《親愛的》才是最先有的題材。

周一( 20日)凌晨,在金像獎慶功宴上,本刊向陳可辛提及《失孤》時,他罕有大動肝火:「我會有律師信俾佢(指《失孤》)。」撐硬男友的吳君如,有傳因此嬲埋劉華,難怪今年拍賀歲片《 12金鴨》時,劉華冇影。問到此事時,君如更黑面吞吞吐吐。



其他影片:>>君如劉華反目






去年陳可辛執導的《親愛的》及劉德華主演的《失孤》,題材類同,兩套片原本同時於去年尾上映,正面交鋒。不過,因為劉華在雨傘運動撐學生,連累《失孤》遭內地抵制,最後要延至今年 3月才可上映,陳可辛先拔頭籌。

早在今年初《親愛的》在港上畫前,電影界吹風,指陳可辛知道劉華拍《失孤》,才趕拍《親愛的》截糊。當時陳可辛暗寸:「拍戲前我真不知道。不過就我所知,劉德華那個片子是很多個故事拼在一起,跟這個還是不一樣。」

吓,你問埋呢啲!

君如黑面

周一凌晨,吳君如被記者問點解《 12金鴨》冇搵劉華客串,她支吾以對避談。

陳可辛勞氣

記者之後問陳可辛,他激動表示:「你問《失孤》啲嘢,我唔答,我到時會有正式聲明!」

周日趙薇憑《親愛的》,奪得香港電影金像獎影后。陳可辛雖然失落最佳導演,但成績已算不俗。

《親愛的》被唱搶拍

不過「鬧雙胞」還有另一個版本,「有傳 Peter(陳可辛)籌備拍《親愛的》時,曾經同不少製作人商討劇情。未幾劉華接拍同類題材嘅《失孤》,加上《親愛的》俾人唱截人糊, Peter梗係一肚火啦。」

鬧雙胞事件亦令吳君如同好友劉華的關係變緊張。 01年君如同劉華合作《愛君如夢》後,兩人一直十分老友。之前《金雞》系列,劉華每次都會為君如客串。不過鑑於男友同《失孤》的瓜葛,今年賀歲片《 12金鴨》,君如冇再搵劉華客串。「其實上年拍《失孤》時,劉華為緩和氣氛,都搵君如客串做拐子婆,想君如做和事老,𠱁番 Peter。不過 Peter氣難下,君如局住同劉華反目。」

劉德華和君如私交甚篤,在她投資的《金雞》系列都有客串,更曾飾演香港特首。

君如避答

周一凌晨,本刊記者在《金雞 SSS》慶功宴訪問君如。當記者提起劉華,她即時黑面,支吾以對。

忽:點解《 12金鴨》冇搵劉華?

君:吓!你問埋嗰啲咁……嘩!已經上咗落咗畫嘅戲。

忽:有傳劉華聽咗《親愛的》個古仔,至接拍《失孤》?

君:我唔答啦呢個……

而陳可辛聽到記者提問《失孤》,更觸動了神經說:「你問《失孤》啲嘢,我唔答。我到時會有正式聲明,我會有律師信俾佢。(係咪因為《失孤》拍咗個類似劇本?)係呀!我唔答,因為我遲啲會有個正式聲明,我唔會俾你一間講晒!」

據知陳可辛遲遲未有動作,是要慢慢研究《失孤》劇情,力證《親愛的》係「正版貨」。其實陳可辛唔使咁嬲,因為《親愛的》除了令趙薇奪金像獎影后,內地票房埋單 3.42億,比《失孤》的 2億幾票房多,票房同獎項都贏晒

《失孤》同扮農民

劉德華在《失孤》飾演尋子的農夫,不時以邋遢 look示人。趙薇在《親愛的》同樣是農民,題材也是環繞拐孩子,其中有不少共通點。

《親愛的》

特首仇家

有人民特首之稱的劉華,表面上面面俱圓,但入行以來都有唔少對頭人。

林家棟

原先林家棟在電影《風暴》中是男主角,但客串的劉華要加戲份,與林家棟平分秋色。此事令林家棟心淡, 2013年林家棟更結束與劉華 12年的賓主關係。

杜汶澤

當年杜汶澤同田蕊妮結婚,劉華當伴郎,更以友情價 3萬蚊租加多利山俾杜汶澤。不過杜汶澤因為劉華唔肯揼水拍《伊莎貝拉》續集,竟大鬧劉華「正 X弟」,最後被劉華下逐客令。

麥紹棠

00年,當時麥紹棠的「中建電訊」入股劉華的「天幕」,不過同年 4月,兩人在公司股份分配上有分歧。其後對簿公堂。

鍾意就快D Share啦!