掃呢頁CODE去手機

2015年4月24日 星期五

「肥導」冇料仲扮星 「影后」中伏點名插 [忽然1周 - 1030] MW,



插圖: Wendy

揞名爆

「肥導」冇料仲扮星 「影后」中伏點名插

娛樂圈嘅人生百態,有時要學吳若希話齋,真係「好打耳」!講嘅唔止係明星喎,有啲幕後嘅行為,好似阿「肥導」咁,係仲爆過啲星㗎!

話說「肥導」入行都唔算短,但佢似乎仲未搞清楚身份。明明自己係導演,但就成日喺記招度同啲明星爭講嘢啦攝位影相啦,唔講仲以為「肥導」係乜嘢影壇「新星」㖭!

咁呢,查實都有啲導演覺得自己好有星味嘅,咁亦未算好大「罪」。至慘嘅係,阿「肥導」根本連自己嗰瓣都搞唔掂!同佢合作過嘅「影后」就同圈中人講,話以後都唔會接「肥導」啲戲,話「肥導」喺片場根本唔知自己做緊乜?完全唔識做導演,嘥晒佢啲時間!嘩,「影后」份人平日斯斯文文又好相與,竟然都咁樣講,「肥導」真係要檢討吓

邊個係「肥導」?

•拍愛情片多。

•得閒寫吓嘢㖭。

邊個係「影后」?

•有氣質。

•仲識唱歌㖭。

鍾意就快D Share啦!