掃呢頁CODE去手機

2015年4月24日 星期五

細細粒有仔陪喎! [忽然1周 - 1030] 細細粒,MW,



細細粒一直行喺男友人後面,睇落好小鳥依人。

媽咪姐

細細粒有仔陪喎!

大台花旦一向都分黨分派,而呢期最 hit嘅「處女黨」當中最有分量嘅黨員細細粒陳嘉佳,估唔到桃花運幾旺吓㗎!早前媽咪姐係中環一間麵店撞到佢同男友人撐枱腳,唔通下個月就步入三字頭嘅細細粒終於有着落?








媽咪姐打俾佢恭喜嗰陣,佢笑得好開心,但就話只係一場誤會,嗰個男友人係佢助手嚟,仲澄清話人哋已經有另一半㖭!哦……明晒,即係搵助手攝時間啦。咁細細粒你要努力嘞, 29歲係時候開齋!

細細粒同男友人坐對面撐枱腳,不過男友人頭耷耷,同細細粒冇乜交流。

同男友人食完嘢,細細粒忽然好少女,跳住咁等過馬路。

鍾意就快D Share啦!