熱爆娛樂: 姊妹情深　買大送細　衞詩冇人要　衞蘭自組公司不求人 [壹週刊

2015年4月9日星期四

姊妹情深　買大送細　衞詩冇人要　衞蘭自組公司不求人 [壹週刊 - 1309] 衞蘭,衞詩,M1,

探熱針

姊妹情深　買大送細　衞詩冇人要　衞蘭自組公司不求人

被黎明一手拉入行的衞蘭（ Janice），今年二月無聲無氣約滿合作十年的 A Music。去年中開始， Janice便周圍放聲氣搵新碼頭，還申明會買一送一，助細妹衞詩重返樂壇；據知，想要話事權的 Janice先後和多間公司洽談過，最終決定求人不如求己，自己搞公司。

自然流失

去年完成演唱會後，衞蘭幾乎放長假，剛過去的二月，更滿約 A Music。

「要走嘅人都走晒！ Janice做完個唱就冇乜嘢做，佢同 Jill去咗埃及成個月。其實公司之前都有係咁意同佢傾過續約，當時 Janice想做埋演唱會先傾，但之後黎生又好多時唔喺香港，後來就再冇人真正跟進過。」知情者說。

其實 Janice心裡有數，早已對外放風，不會再續約 A Music，不少公司對有把靚聲的她並非全無興趣，但衞蘭一直想幫衞詩（ Jill）重返樂壇，兩姊妹可以共同進退，簽約條件，錢反而其次。

「華納唱片舊年年中知 Janice就快約滿，係第一間公司搵佢傾，不過 Janice堅持要簽埋 Jill，華納又唔想，咪泡湯囉！」

張國忠捧起過不少紅星，左麟右李更是他一手策劃，是位圈中舉足輕重的前輩。

與 Leon合作十年， Janice在今年二月滿約，現已自由身的她，正計劃未來的路。

Janice與 Jill姊妹情深，無論發生任何事也會互撐對方。

爭取話事權

華納唱片外，據知藝能娛樂老闆張國忠也曾親自出面，希望衞蘭加盟旗下。

「張國忠都係舊年已經接觸 Janice，但都係要簽埋 Jill。其實 Janice喺 A Music咁耐，乜都要聽晒老闆話，而家就似放監，想爭取自由同話事權；如果連藝能娛樂都傾唔掂，最後一步，係自己搞間公司，咁就唔使求人。」知情者說。

至於藝能與衞蘭洽談如何，老闆張國忠說：「我都唔理呢啲啦，交俾其他同事搞，我只係做吓顧問。」而考慮自組公司的衞蘭，則一直未有回覆本刊。

雖然父母已分開，但 Janice開個唱，一家四口再共聚。

去年十二月，兩姊妹結伴同遊埃及近一個月，放了個長假洗滌心靈。

王梓軒最近為 Janice寫了首新歌，因而傳出他有意簽 Janice。

去年演唱會， Janice得到教友鄭秀文支持擔任其中一場的嘉賓，令她開心不已。

雞飛狗走

因為黎明風格異於常人，由他掌舵的 A Music， 2004年 7正式成立以來，除了衞蘭孭住份長命約，其他歌手，個個走得快，好世界！ 10年，楊千嬅滿約企硬走人，否則不再續約母公司寰亞娛樂。去年文詠珊（ Janice Man）及應昌佑相繼離開，而由黎明親自出馬，由中國星轉會到 A Music的陳小春，今年滿約，更鬧爆公司阻住搵食。