熱爆娛樂: 倒數開工　陳豪半島氹老婆 [壹週刊

2015年4月9日星期四

倒數開工　陳豪半島氹老婆 [壹週刊 - 1309] 陳豪,M1,

細仔出世個多月，陳茵媺明顯修身，而陳豪同大仔 Aiden神態、動靜，則倒模一樣。

探熱針

倒數開工　陳豪半島氹老婆

當日為了同「 My Queen」陳茵媺一同迎接細仔 Nathan Lucas的來臨，陳豪一早同公司請假三個月，二月初拍完新劇《鬼同你 OT》後即停工陪產。眨吓眼細仔已經滿月，即將要埋位同蔡思貝合作新劇《潮流教主》的陳豪，假期結束前，加上外父外母來港探望孫仔，三代同堂出動家庭樂外，陳豪更爭取時間，暫時丟低兩個寶貝仔，同老婆拍拖到酒店撐枱腳，慶祝 Aimee生日， so sweet！

陳豪同 Aiden邊行邊談心，之後再錫啖囝囝， sweet到漏。

眼利發現有記者，陳豪用手遮擋，免 Aiden入鏡。

當陳豪同 fans影合照，陳茵媺則睇實小 Aiden，兩人輪更影相、睇仔，好有默契。

二人世界

兩個仔出世後，陳豪對於日接夜的拍劇生活相當抗拒，寧願多拍廣告、出席活動搵奶粉錢，無奈大台擔得大旗的小生買少見少，未到細仔百日宴已經要開工的他，下月初便要復工歸隊，埋位同蔡思貝、羅仲謙合作新劇《潮流教主》。

上週三（四月一日），陳茵媺三十四歲生日，陳豪先送上鮮花，再安排外父、外母一起同老婆食生日飯，到夜晚，兩公婆二人世界，陳豪特地 book了半島的 Gladdi's，陪愛妻食法國菜慶祝。

撐枱腳到十一點，陳豪陳茵媺拖實離開，放假陪產陪坐月陪進補的陳豪現晒腩，反而產後個多月已經修身的豪嫂，即使素顏，一樣神采飛揚！