掃呢頁CODE去手機

2015年4月16日 星期四

重新出發 鄭融練籮搏反彈 [壹週刊 - 1310] 鄭融,M1,



再戰的鄭融為保事業,近日搵演員兼健身教練的趙勁皓(阿 King)狂操,主力練靚個股肌,重拾昔日小辣椒的誘人身形。

探熱針

重新出發 鄭融練籮搏反彈

剛簽約新公司「棋人香港」的鄭融,要重新出發,先同肥腫分手,回復勇態!一年冇新作的她,在新歌《 Love Hard》重展小辣椒風采,大跳辣舞外,三十歲破格露出圓渾股形,出籮搶人氣,未贏人先贏自己。

減十五磅告別肥腫

去年滿約星娛樂的鄭融,無聲無氣,足足有一年。「喺星娛樂嗰幾年都冇乜嘢做,阿融自己都好心急好迷惘,好彩當時仲有內地騷跑,個個星期返內地唱騷賺錢,直到滿約為止。」鄭融身邊人說。

泊到新碼頭,終於有新歌出籠的鄭融,火辣身形重現!為了告別肥腫,游水跑步加上大量健身運動,鄭融減走十五磅,又搵教練兼模特兒的阿 King(趙勁皓)操靚個 pat,勁舞狂扭都唔怕失禮街坊。

「同新公司第一個 project,我好相信公司嘅安排,所以性感演出都冇問題。」鄭融說。

修咗身回復狀態嘅鄭融,即在新歌 MV全力行股惑。

晒完股又露 bra,鄭融呢鋪性感算搏到盡。

同老闆一拍即合

事業發展未如理想的鄭融表示,過去幾年全靠身邊朋友支持,及以跑步來宣洩不愉快的情緒。

「嗰幾年好似乜都做唔到,個人好冇安全感,好在自己有好多朋友,我又鍾意做運動,有時亦會打坐,對調節思想,訓練意志好有幫助。」

出道十二年,三十歲的鄭融眼見身邊好友如吳雨霏及官恩娜等已為人妻,她亦不排除自己會閃婚。

「結婚唔會冇諗過,但簽咗新公司,好多嘢都想做,工作行先,不過我份人都唔係個依計劃行嘅人,好多嘢都會突然發生,哈哈。」

過去一年,鄭融遇上新公司「棋人香港」的老闆小霖,雙方一拍即合。

「之前已經識小霖,咁啱大家見番,加上鄧志偉、莊冬昕同佢都有合作,大家坐埋發覺目標好一致,最緊要係大家音樂理念一樣。」鄭融說。

再戰的鄭融為保事業,近日搵演員兼健身教練的趙勁皓(阿 King)狂操,主力練靚個股肌,重拾昔日小辣椒的誘人身形。

瞓低趷籮舉腳

教練阿 King教鄭融操股兩式,每日做二十下,翹股就是如此練成的。

跟外籍男友感情穩定的鄭融,話唔排除會閃婚。

鄭融的新碼頭「棋人香港」,老闆是愈做愈旺的阿 Bob及小霖,音樂監製則是前度男友莊冬昕同鄧智偉。巨聲幫劉威煌也加盟旗下。

時縮時脹

索:出道時的鄭融,陽光膚色加小蠻腰,火辣味重。

脹: 10年轉唱片公司,脹晒嘅佢跑步減肥。

縮: 13年喺九展開完個唱時,狂減的鄭融曾經 fit過。

翻脹:點知 13年尾頒獎禮,佢又變番肥腫難分。

鍾意就快D Share啦!