掃呢頁CODE去手機

2015年4月16日 星期四

劉家輝有進步 [壹週刊 - 1310] 家輝,劉家輝,張家輝,M1,



行完商場,陪去街嘅四眼男推住師傅搭𨋢去上車。

同你吟一吟

劉家輝有進步

咪怪八珍口衰衰,但每次見到中風後老婆仔女要錢唔要人,搞到要住老人院嘅劉家輝,就會覺得養兒防老呢句說話,簡直係笑話。

家人靠唔住,過去呢三年幾, 59歲劉師傅得身邊朋友照顧開解,身體狀況同情緒都開始有明顯改善。

二五同八珍講,一直有落手落腳照顧劉家輝嘅樊亦敏,每星期會安排師傅去一次街,就算佢自己唔得閒一齊去,亦會搵其他人幫手。雖然師傅行動不便,性情亦變得細路仔,但腦筋好精靈,鍾意食乜唔喜歡啲乜,一清二楚;二五仲話師傅最鍾意去山頂同赤柱行街,因為呢兩個地方係佢出事前經常去嘅。

上星期一(六日),《壹》仔喺 ifc見到坐住輪椅、精神唔錯嘅劉家輝,由兩個四眼男陪住行街街。現實縱使殘酷,但八珍依然堅持,人間有情!

一班朋友陪師傅去王朝會開餐,唔鍾意食泡飯,遞俾隔籬四眼男食埋佢,好精靈。

有可樂飲,就笑晒。

鍾意就快D Share啦!