網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2015年4月23日 星期四

車廂埋牙 狄易達溝掂台灣艷模吳亞馨 [壹週刊 - 1311] 狄易達,M1,



同狄易達拍拖,冶艷嘅吳亞韾都改為樸素打扮。港男的浪漫係歎茶餐,狄易達接機之後,即帶女友去佢有份投資嘅華星冰室 high tea。

探熱針

車廂埋牙 狄易達溝掂台灣艷模吳亞馨

入行七年,高富帥通通冇份的狄易達,除咗跳舞叻,原來溝女都有一手,更秘密撻着大他五年、台灣淫照事件主角之一的艷模吳亞馨。

上週末,吳亞馨人肉速遞到港,見到男友狄易達,火速在車廂內投懷送抱,由耳珠錫到落頸。慾火愈燒愈旺,兩個飯都唔食,急急返酒店繼續下半場激戰。

人肉速遞到港

狄易達與富家𡃁模女友 Hillary拍拖四年,去年底正式遷出女友的何文田豪宅。分手重新上市,話咁快就有新目標,半年前,在一個私人活動上,認識了一二年曾捲入台灣富二代李宗瑞淫照事件受害者之一,擁有 34C火辣高䠷身材的女神吳亞馨。

洗底後再復出,親飛香港出席私人活動的吳亞馨,依然索爆,更是當晚中港富二代目標,但跟不少闊少有過交手經驗的她,偏偏只對開跳舞學校、夠薑越級埋身的狄易達嗒糖。

男有心女有意,只需兩個月已正式發展,兩人更不時互相密密送,穿梭港台短聚。上週六(四月十八日),狄易達預早成個鐘便到機場,準備恭迎女友速遞到港。只見吳亞馨與一名「基味」四眼男一齊行出禁區,狄易達第一時間上前幫手推行李,表現細心。

吳亞韾一二年捲入富貴前度李宗瑞慾照事件,事業被打沉,男方則因涉性侵其他女仔,重判 30年。

出道不久,她曾與朱孝天傳緋聞。

半年前二人認識不久,在賽車活動頭貼頭影相。

發脾氣舉中指

三人先到狄易達有份投資的「華星冰室」醫肚,之後再做司機,車四眼男返沙田寓所放低行李。在樓下等候期間,吳亞韾已主動在車廂中撒嬌,挨實男友肩膊,狄易達亦有晒反應,回禮錫女友額頭一啖。

見男友表現冷靜,吳亞馨將行動升級,一手箍緊再由耳仔錫到落頸,但狄易達竟然掛住覆短訊,冇癮吳亞馨立即扮嬲,轉身伏在車窗!補鑊話咁易!狄易達用手機幫女友拍照又氹番,但慾火怒火齊燒的吳亞馨,繼續舉起中指宣示不滿。

兩人在車廂耍完花槍,四眼男折返上車,狄易達送對方到尖沙咀後,就連晚飯都唔食,急住前往女友下榻的灣仔精品酒店,享受二人世界。

上週六吳亞韾速遞到港,狄易達唔敢遲到,一早到機場 stand by,之後一見女友,笑到四萬咁口。

怕戀情見光,狄易達同吳亞馨出街時刻意保持距離,但匿喺車廂,兩個就嚟料。

男友錫完額頭,嫌唔夠喉嘅吳亞韾採取主動,一手箍住狄易達,由耳珠啜到落頸。

熱情的吳亞馨嫌狄易達慾火少,即時嬲嬲豬,男友幫佢影相,佢舉中指宣示不滿。

傍晚七點兩人已急返女方下榻嘅酒店培慾,到第二朝達仔先走。

乖仔形象殺食

本週一 20/4

返跳舞學校打個轉,狄易達就陪女友去 ifc行街,又餵佢飲咖啡,之後行去停車場,撒嬌嘅吳亞馨忍唔住要挽着他。

纏綿一夜,翌日上午十一點,狄易達送女友由酒店到中環,會合四眼男一齊 shopping後,自己則出發到旺角出席足球活動,一收工,再趕到中環接回女友,爭取見面時間。

能夠砌低有錢強敵中標,外形冇殺傷力的狄易達,其實是圈中隱形 killer。唔煙唔酒唔夜蒲,曾代父還債後創業,顧家兼形象乖仔,一直深得圈中雌性歡心;初出道的阿 G.E.M.,以及有「翻版薛凱琪」之稱的有米前度 Hillary,都被他輕易得手。

「冇得靠樣,所以狄狄仔追女好用心機,除咗成日 send啲 sweet短訊,必殺技係自動報行蹤,俾啲女仔安全感;加上佢唔係開工就係練舞,冇其他嗜好,啲女仔當正佢係唐僧肉,好似 Super Girls成員 Cheronna同今屆華姐冠軍蔡美霆,都好嗒佢糖!」知情者爆。

女神愛住家男

至於老手吳亞馨,對男友事業亦好着緊,每次狄易達到台灣,都會扯線介紹唱片公司朋友給他認識,試圖幫在台灣零知名度的狄易達打開當地市場。「 Maggie(吳亞馨)好想男友喺台灣發展,因為咁就可以成日見面。」知情者說。

經歷過李宗瑞淫照事件後,吳亞馨曾在訪問透露心跡:「現在我比較想找居家型的男人,希望可天天陪伴我,即使沒有大事業也沒關係,就是可以陪我逛街市買菜的男人。」擇偶條件改變,狄易達中晒女神要求,半臂力已將吳亞馨私有化。

數月前,兩人分別在網上晒情侶戒,令隱密的戀情露端倪。

中學時已兼職幫補家計的狄易達, 08年一邊做歌手,一邊創業開跳舞學校,又成立「狄易達軍團」,創業青年形象好得啲女歡心。

淫照出事

身高 5呎 7吋、擁有 34C火辣身材的台灣辣妹吳亞馨, 22歲出道做模特兒,更火速成廣告界新寵,曾為羅志祥及潘瑋柏等歌手拍 MV。 09年開始接拍多套偶像劇如《海派甜心》等,亦拍過港產片《撲克王》。原本大好前途, 12年卻捲入前富貴男友李宗瑞淫照事件,事業被迫急煞停,直到去年復出,但人氣已大不如前。

隱形 killer

唔靚仔,又唔係富二代,狄易達單憑「乖仔」兩個字,成功引到唔少女埋身,但無論浮面抑或暗盤,緋聞女友個個都有番咁上下,隱形 killer,嚇你一驚。

出道撻着 G.E.M.

08年初出道,跟同期新人風頭躉阿 G.E.M.(鄧紫棋)玩得好埋,更被人目睹深宵在荃灣海濱公園漫步,廉價浪漫。

富家女友 Hillary

10年,因父母生意失敗要幫手還債的狄易達,同一時間跟有米𡃁模 Hillary(劉沛蘅)拍拖,並一度搬進女友何文田豪宅過半同居生活。後來因狄易達難忍女友港女性格,去年結束四年情。

拍檔林穎彤

跟 Hillary拍拖初期,曾與《安樂窩》拍檔主持林穎彤傳出緋聞,令正印 Hillary打翻醋埕,為向女友派定心丸,狄易達不時上載同女友合照,高調晒 sweet。

Super Girls吳嘉熙

同 Hillary甩拖後,有傳他一度撻着對他嗒糖多時的 Super Girls成員吳嘉熙( Cheronna),但戀情快來快去。

華姐蔡美霆

去年底飛到澳洲與華姐拍宣傳片的他,被發現跟候選佳麗蔡美霆相當投契,更傳出女方主動出擊,不過返港後冇進一步發展。

鍾意就快D Share啦!