網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2015年4月15日 星期三

執輸 抄得歌多 雷頌德𦧲拍《爸爸 3》衰咗 [FACE - 412] 雷頌德,MF,



雷頌德十分疼錫囝囝,雖然大仔雷鳴患有自閉症,但 Mark仍花大量時間陪伴,又教佢適應社會,絕對係一個好爸爸。

真面目

執輸 抄得歌多 雷頌德𦧲拍《爸爸 3》衰咗

強國錢易搵,港星北上拍劇隨時賺層樓,加上一條龍接埋廣告代言商演騷錢,條數咪話唔襟計!

內地節目《爸爸去哪兒》連續兩季都勁高收視,帶挈一班爸爸同寶貝爆紅,第一季的林志穎 Kimi父子靠《爸爸》效應狂賺 2千萬,計埋電影版分紅同節目片酬,分分鐘搵半億!據知身為兩子之父的雷頌德,對節目非常有興趣,主動約劇組見面,不過最後因抄歌形象唔好叮出局。

學千嬅話齋:「個仔唔係攞嚟賣!」不過既然父子檔出鏡可以收高一大截片酬,梗係𦧲咗先係賺唔到啫家陣!







本身有一個 17歲兒子的雷太 Jade(右), 07年再婚後,為雷頌德生了大仔雷鳴(左二)及細仔雷響(右二)。

45歲雷頌德有份捧紅天后陳慧琳同天王黎明,不過近年工作量不及當年,間中先有得做唱片或演唱會總監,要養起一家五口實在唔容易。

溫情牌失效

眼見人仔易搵,雷頌德一直希望可以打入內地市場。做唔成《我是歌手》呢類音樂節目,雷頌德於是向綜藝節目埋手,打算以好爸爸形象參加第三輯《爸爸去哪兒》。

吳鎮宇同囝囝 Feymann參加《爸爸 2》,被網民激讚佢識教仔又有愛心,更有唔少廣告商想搵佢哋父子檔拍廣告。

網上圖片

張晉同蔡少芬經常將兩個囡囡的生活照放上微博,唔介意小朋友曝光,好啱參加《爸爸 3》。網上圖片

網上圖片

劉燁一對混血 B非常可愛,早前已經亮相過《花樣爺爺》節目,唔排除今年三父子一齊拍《爸爸 3》。

網上圖片

勁恨打入強國

育有 9歲大仔雷鳴及 4歲細仔雷響(另有老婆與前夫生的 17歲兒子),雷頌德早前主動約見湖南衞視劇組人員,自薦參加即將開拍的《爸爸 3》。雖然雷頌德大打溫情牌,向劇組表示大仔雷鳴患有亞氏保加症(即高功能自閉症),不過劇組認為雷頌德有唔少抄歌新聞,形象唔夠正面,加上在內地知名度不足,拒絕邀請雷氏父子上節目。

雷頌德剛為吳國敬演唱會擔任音樂總監,但始終未能打入內地市場。

一手捧紅 Kelly,雷頌德希望以金牌音樂人兼兩子之父的身份參加《爸爸 3》。

張晉接棒

除了做音樂,雷頌德近年開始設計手表,搵多條財路。

𢱑撈失敗,雷頌德周圍向身邊人呻唔抵,又繼續放風表示非常恨上《爸爸 3》,希望劇組回心轉意。本刊致電雷頌德,但至截稿前仍未回覆。

不過節目監製謝滌葵早前已確認新一季目標,明顯冇預雷頌德。反而接觸了多個在內地知名度更高的藝人,包括劉燁、鄧超及韓寒等,而香港代表則未有定案。

有傳劇組未放棄力邀張智霖及謝霆鋒父子,不過兩人加盟的可能性較低,所以同時向張晉埋手。雖然張晉在國內未算一線,不過蔡少芬自《甄嬛傳》後極受強國觀眾歡迎,隨時能以「蔡少芬老公」之名搵到條大水喉;而張晉亦承認同劇組傾緊,極有可能帶 4歲大女張楚兒上節目!

斟唔掂

有傳湖南衞視由第一季開始已想搵謝霆鋒同 Lucas上《爸爸去哪兒》,但霆鋒唔想囝囝出鏡,寧願有錢都唔賺。

去年傳出劇組以 1,500萬高價力邀 Chilam同魔童參加《爸爸 2》,當時 Chilam一口拒絕,盛傳製作單位今季加碼至 2千萬,另加電影版片酬,希望 Chilam應承。

圖片

網上圖片

雷仲抄

疑似抄歌,幾乎每個音樂人都試過,偏偏雷頌德中招次數特別多!由 98年黎明的〈眼睛想旅行〉及〈 Happy 2000〉,被指抄 Cher的〈 Believe〉及韓國樂隊 H.O.T的〈 Candy〉; 00年為陳慧琳作的慢歌〈過份〉,則涉嫌抄襲日本歌手椎名林檎的〈石膏〉;由側田主唱的〈決戰二世祖〉,就似 Akon的〈 Lonely〉; 06年衞詩〈 Funny Jealousy〉,又與美國女歌手 Vitamin C的〈 Graduation〉撞;至於 07年古巨基的〈錢錢錢錢〉,更被高登仔二次創作成〈抄抄抄抄〉,可見雷頌德抄歌形象幾咁深入民心!

鍾意就快D Share啦!