熱爆娛樂: 心淡　合理工時得個噏字　 64歲李司棋頂唔順走人 [FACE

2015年4月1日星期三

心淡　合理工時得個噏字　 64歲李司棋頂唔順走人 [FACE - 410] 李司棋,MF,

09年陳鴻烈拍劇期間心臟病發身亡時，司棋姐曾經接受本刊訪問，表示最長試過捱 24粒鐘。

真面目

心淡　合理工時得個噏字　 64歲李司棋頂唔順走人

大台份工好唔好打？睇下效力足 47年的李司棋都話要走就知喇！

上週五（ 27日）， 64歲李司棋接受傳媒訪問講離巢，面嗰浸話因為「沒有永遠女主角，搵到好嘅台階就要自己行落去！」，內情其實係大台不分老嫩、工時過長，連司棋姐都無面俾用到盡，自然心灰意冷拒絕續約。

話說大台唔係冇話過要改制縮工時，不過講咗兩年，連講嗰個董事局行政主席梁乃鵬退埋休都未見有實行。仲等大台良心發現？傻的嗎？

自從 68年以芳齡 17歲贏得香港公主冠軍，司棋姐轉下眼加盟大台 47年，唔係佢自爆，都冇人知《水髮胭脂》係佢告別大台之作，原來去年 12月 8日約滿後就拒絕續約， 64歲人至第一次自由身。

在大台最後一套劇是今週開播的《水髮胭脂》，劇中司棋姐要做巴辣師奶。

廖啟智兩年前離巢，大鬧大台續約條款離奇又侮辱，當時行政主席梁乃鵬曾經高調承諾要維持合理工時，不過得個講字無人執行。

講足兩年縮工時

觀眾緣同演技都無得頂，司棋姐話要走，其實樂小姐都親自出動一留再留。不過出到樂小姐又如何？司棋姐留低三個基本要求一樣都達唔成。據悉，除咗騷價同戲份合理提升，司棋姐亦提出年紀唔細，希望大台保證續約後工時不過八小時。不過講足兩年，實行無期嘅縮短工時大計，樂小姐對住年長演員一樣唔願體諒，才令司棋姐立定決心唔走唔得。難怪好脾氣如司棋姐接受訪問都處處透露不滿：「要記幾頁紙的對白，行來行去好攰！」係囉，休息吓啦司棋姐。