熱爆娛樂: 家散財散　《愛．回家》 7月家散　斷長糧　黎諾懿：好過咁安逸 [FACE

2015年4月22日星期三

家散財散　《愛．回家》 7月家散　斷長糧　黎諾懿：好過咁安逸 [FACE - 413] 黎諾懿,MF,

《愛．回家》演員個個爆騷，其中以馬家最誇，當中以徐榮、劉丹、黎諾懿係爆騷三甲。

《蘋果日報》圖片

真面目

家散財散　《愛．回家》 7月家散　斷長糧　黎諾懿：好過咁安逸

大台處境劇《愛．回家》死唔斷氣播足 3年， 7月終於可以講拜拜。黎諾懿在《愛》劇由配角變男一，三年嚟憑馬壯一角成功入屋，仲做埋爆騷王，每月 20個騷賺 10皮嘢一個月。 7月冇得繼續，正式斷米路。

難得娶咗位富家女嘅黎諾懿好淡定，問佢冇男一做兼收入少會點，佢話：「呢條係必經之路，係時候出返嚟拍劇！唔怕收入少，我仲後生，好過𠵱家咁安逸。」 5億女婿係豪氣啲。

其他影片：>>張繼聰　岑麗香　接力做處境劇　冇嘢撈羅天宇：有少少擔心

34歲黎諾懿 03年入行，捱咗 10年，拍親劇頂盡做男三， 3年前喺處境劇《愛．回家》首做男一，捱足 3年捱到$5,000一個騷，計落每月幾乎有 20個騷，成 10萬 1個月，加埋登台搵錢，收入拍得住當紅小生；上年仲娶埋身家 5億嘅前港姐女友李潔瑩，黎諾懿真係靠晒《愛．回家》食糊！

唔只登台騷，就連纖體廣告都搵馬壯代言，真係唔知原來馬壯可以咁 fit。

黎諾懿最近一套拍嘅劇係《叛逃》，劇中做配角咋，做關禮傑助手，戲分當然唔可以同《愛．回家》比較。

電視畫面

食住馬壯個朵入屋，黎諾懿都有唔少登台 job，計埋爆騷分分鐘搵銀同一線小生差唔多。

網上圖片

唔怕再捱

上年黎諾懿除娶埋屋企身家 5億嘅李潔瑩，馬壯即變豪門駙馬。

不過《愛》劇播到 7月大結局，馬家上下亦會散 Band，冇人有得留低拍新處境劇，黎諾懿亦要重新捱過，亦預咗冇以前咁好收入。他說：「我仲有 3年約，《愛．回家》比我想像中長咗，我好開心入咗屋，但嚟緊希望俾人覺得我識做戲。（第二套劇冇男一做喎？）呢個係必經階段，係時候出返嚟拍劇！唔怕收入少，我仲後生，好過𠵱家咁安逸。你得嘅時候，人哋唔會夾硬壓低你。如果你係林峯咁強勁，唔會夾硬叫佢做男二。」黎諾懿有五億在手果然有志氣！