掃呢頁CODE去手機

2015年4月22日 星期三

唔想做樓奴  90後情侶死慳博買鋪 [FACE - 413 - 大專校園] MF,




吳子沖 23歲

公大社會科學系畢業

蔡嘉欣 20歲

紡織及製衣系 Yr.3

Kayan話拍拖節目除咗一齊情侶檔看鋪,其餘就係格價睇鋪、周圍睇鋪同過海睇鋪。

Main Camp

唔想做樓奴  90後情侶死慳博買鋪

「上車」喺現今香港等同成功人士指標,亦係年輕一代嘅人生終極目標,結果出現好多日日死慳死抵,哽麵包儲錢都要買樓嘅「勵志」故事。

雖然拍拖 3年的吳子沖( Felix)同蔡嘉欣( Kayan)反對做樓奴,不過二人卻日日捱麵包,慳埋慳埋只係想買鋪開第二間樓上時裝店,點都係有磚頭先發到圍! Felix自信地說:「買樓要畀百幾萬首期,之後仲要供成世,反而買百零萬嘅樓上鋪,只要 5、 60萬首期,供 5、 6年就搞掂,回本快得多!」

當港人諗盡辦法想搶閘上車有安樂窩, Felix卻豪言:「我先唔會咁笨買樓,就算儲到首期,仲要供幾十年,人生就咁玩完!」拍緊拖的他,難得女友都有共識,身邊的女友 Kayan更立即幫口解圍,「唔使驚喎!大家又唔係啲咩有錢人,我父母冇逼過 Felix一定要買樓先可以同我結婚。男人唔一定要有樓,男人一定要勤力同有責任心,我同佢有晒共識,去到邊就租到邊,唔使俾層樓綁住!」

'12校花 2強

Kayan讀理大 fashion, 18歲已簽約 StarzPeople模特兒公司,而且參選過 2012年 FACE UStar校花校草選舉,名副其實潮人一名,所以鋪頭入貨、睇貨辦全部由佢一手包辦。

'13校草冠軍

Felix靚仔兼有 187cm,仲喺 2013年 FACE UStar勇奪校草冠軍,成為自己鋪頭嘅生招牌,好理所當然啫。

限食 30蚊飯

雖然 23歲 Felix同 20歲 Kayan冇買樓目標,只因他們覺得買樓回報率低,不合成本效益,反而佢哋每月堅持慳住使,儲錢買鋪。 Felix解說:「我住佐敦,每日堅持步行 20分鐘返鋪頭(旺角),因為趕住開鋪,通常早餐午餐當一餐,去附近麵包店買 10蚊 3個腸仔包,一日可以慳成嚿水,一個月就可以儲三千蚊」難得仍在理大讀紡織及製衣 Yr.3的 Kayan又樂意配合,「我每日只會喺學校 canteen揀 30蚊以下飯食,衫就着番自己鋪頭嘅。我哋拍拖都會好慳,睇戲都係等朋友送首映免費飛先睇(上一齣係 4個月前嘅《翻生侏羅館 3》),平時我哋拍拖唔係一齊打理時裝店,就係去地產鋪睇樓上鋪樓價,每睇一次就好有動力儲錢!所以大時大節我哋一定唔會要對方送名牌,有錢都儲嚟買鋪開我哋第二間分店」

Felix同 Kayan本身是兼職 model,又熱愛時裝,所以兩年多前,二人先在 instagram開網上時裝店,喺內地入貨,再着上身自拍當生招牌,但 instagram商店恒河沙數,要突圍唔容易, Kayan就全靠朋友威力,她解說:「始終我哋做開 model,識開啲朋友都係 model或者藝人,佢哋多數見我啲相都會畀 like,網友都會揀啲有明星或 model like嘅時裝店幫襯。」

自從旺角開店,好多熟客上門幫襯,生意急升 5倍,連新女神陳瀅都係佢哋客仔。

Felix家住佐敦,行路返鋪頭要 20分鐘,試過一日來回屋企鋪頭 6次,就嚟成個馬拉松都跑完, Kayan就話好彩自己仲有學生車費優惠兼喺紅磡返學,車錢唔算貴。

Felix話慳得就慳,自己通常同 Kayan做埋攝影師同 model,好彩佢哋本身已經係兼職模特兒,擺甫士話咁易,有時 Felix仲會邀請爸爸親自為佢哋操刀添!

Kayan話 ig shop要吸睛,一定要密密 po相,足足開咗 2年半 po過 2000張相,儲咗一大班熟客先敢喺旺角好景開實體樓上鋪。

買細鋪有得執

這對小情侶除開鋪外,每日指定動作就係去地產鋪睇樓上鋪格價, Felix說:「買樓要畀百幾萬首期,之後仲要供成世,反而買百零萬嘅樓上鋪(旺角),只要 5、 60萬首期,供 5、 6年就搞掂,回本快得多!一來買咗鋪我哋可以開分店,二來如果價啱亦都可以轉售圖利,因為睇到樓上鋪市場需求好大,好多年輕人都搵細鋪創意,絕對有得執。」

成日話 8、 90後諗法好獨特,即管睇吓呢對以買鋪為目標嘅小情侶有咩金句。

慳家行程


理大鯛魚燒老闆買鋪避貴租

「買鋪好過買樓」,又點只得 Felix呢對情侶認為有得賺?近月風靡全港嘅鯛魚燒,老闆原來係只得 22歲理大英文系李婉琳 Regina,月賺 22萬,本來上車好 easy,不過 Regina同樣冇諗過買樓,想將賺到嘅錢儲起,幾年後買鋪,唔想捱貴租。

Regina知道香港人三分鐘熱度,所以已經開始鑽研其他口味餡料,保持新鮮感。

Regina鋪位於旺角廣華街,但門口有水渠位不時發出臭味,但不足 100呎嘅鋪租仍要近 4萬蚊,所以令佢更想買鋪。
鍾意就快D Share啦!