掃呢頁CODE去手機

2015年4月24日 星期五

周慧敏難忘慳妹:喺我心永不磨滅 周慧敏,



周慧敏難忘慳妹:喺我心永不磨滅



其他影片:>>






周慧敏難忘慳妹:喺我心永不磨滅

【狂煲大時代】

「慳妹」周慧敏(Vivian)在神劇《大時代》首集驚鴻一瞥,事隔23年後重播,她的清純氣質仍瘋狂秒殺現今老少觀眾,現年47歲的Vivian當年扮慳妹成為經典,可惜最後慳妹在方展博懷中溘然而逝,成為一個永遠的遺憾!昨日Vivian接受《蘋果》專訪坦言至今難忘慳妹:「喺我心永不磨滅!」採訪:余燕儀

神劇《大時代》在深宵重播引起觀眾捱眼瞓煲劇潮,除了劉松仁、鄭少秋、江毅、曾江等老戲骨高手過招令觀眾拍案叫絕,劇中女神藍潔瑛、周慧敏、李麗珍個個有美貌有演技,其中扮演慳妹的Vivian更深入民心,23年後的今日仍有人叫她做慳妹,昨日Vivian現身將軍澳《蘋果》大樓接受本報專訪,細訴當年扮演慳妹的點滴。

Vivian的慳妹角色成經典,她謙虛說:「我唔敢講係咪代表作,但喺我演戲生涯上好多人記起我演呢個角色。23年喇,成日有人同我講呢個劇,甚至乎叫我做慳妹,真係令人好深印象角色,慳妹喺我心入面唔可以磨滅。拍時已知觀眾會鍾意,因為劇本太強,歸功靈魂韋家輝先生,所以佢邀請我參與,我覺得係一個榮幸。」



【《蘋果》專訪】

■周慧敏昨日接受《蘋果》專訪,她在《大時代》飾演的慳妹能屈能伸,周慧敏說:「慳妹喺我心永不磨滅。」

攝影:周樂恒



■1992年《大時代》首播,眾演員在清水灣電視城宣傳劇集。



■周慧敏在劇中未能與「展博」劉青雲終老。

資料圖片

神推鬼擁接拍

據知慳妹角色取材自《大時代》一位女編劇,問Vivian是否真有其事?她說:「有少少印象,但好模糊,懷疑最初同韋家輝傾時,佢有提過呢樣嘢,其實《大時代》係咪佢故事?哈哈,佢係咪方展博?」為何韋家輝找她演慳妹?Vivian說:「到𠵱家都係一個謎,嗰時入電視城係傾另一個青春劇,我早到咗,經理人話有另一套劇都想同我傾,角色都啱我演,原來係見韋家輝,自己成日諗佢會唔會見到我路過,覺得我適合做呢個角色?」

現實中的Vivian是否慳妹?她笑說:「係一個美麗誤會,我點可能係慳妹,慳妹真係慳到over咗,刻薄自己,病態嘅慳,我諗我係中間嘅慳,唔係大花筒,但又唔係精打細算嘅人,對金錢比較冷感,我諗大家睇得投入,我又演得投入,大家覺得慳妹就係我。」

劇中方展博揀了慳妹,但現實中劉青雲卻選擇了郭藹明,假設Vivian是方展博,最愛會是誰呢?她想了一想說:「我兩個都唔會揀,因為呢兩個女人都義無反顧咁愛佢,如果我揀咗其中一個,會傷咗另一個心。」

雖然慳妹和方展博愛得刻骨銘心,但最後慳妹卻死了,她直言:「我覺得佢應該死,咁唔錫自己,食嘢唔健康又有病,慳妹離開咗,感情有遺憾,更加容易打動觀眾感情。」慳妹死了,方展博是否應返回龍紀文身邊?她說:「應該喎,慳妹都死咗,方展博同龍紀文一齊係最好結局。」

服裝:Lavin

鍾意就快D Share啦!