網頁

請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2015年4月10日 星期五

羅仲謙蔡思貝奉旨再煙韌 蔡思貝,羅仲謙,

蔡思貝和羅仲謙在無綫新劇《潮流教主》中,再度飾演情侶,未知到時兩人的緋聞會否死灰復燃呢?

羅仲謙蔡思貝奉旨再煙韌

藝人蔡思貝、羅仲謙之前拍劇傳緋聞,由於觀眾對這啤「螢幕情侶」相當受落,故無綫再安排兩人於5月開拍的新劇再演情侶,可謂攞正牌談情!據知羅仲謙一直擔心女友楊怡的感受,但楊怡不想阻男友上位,寧願啞忍作犧牲,難怪謙仔識做地買樓派定心丸。而「緋聞之女」蔡思貝坦言不想再有負面新聞,但拍攝時不會專登避忌。

羅仲謙和蔡思貝之前拍劇集《衝線》連番傳緋聞,雖然思貝與多位男藝人如溫家偉、周志文等都傳過緋聞,但似乎觀眾最受落還是她與羅仲謙這對,無綫有見及此,希望再次力谷這對螢幕情侶,於5月中開拍的新劇《潮流教主》中,兩人擔正男、女主角,並有感情線。

廟街王后專賣老翻

據知羅仲謙亦擔心今次再與思貝合演一對,會辣慶正印女友楊怡,一度猶豫究竟接不接此劇,但據楊怡身邊的密友透露,雖然楊怡十萬個不願意睇住男友跟思貝談情,但亦不想阻謙仔發圍,惟有犧牲自己啞忍,但謙謙都好識做,最近一有時間就陪女友,早前更被拍到齊齊睇樓,派定心丸給女友!

新劇《潮流教主》以潮流雜誌社為背景,男主角之一羅仲謙飾演男模特兒,另一男主角陳豪則是雜誌社總編輯,女主角蔡思貝就飾演「廟街時裝王后」,在廟街賣老翻手袋及服飾,對於再次擔正女主角,思貝昨日受訪時坦言很開心,多謝公司給予機會。說到再與羅仲謙合作,會否怕再傳緋聞?她坦言:「希望唔好因為唔想有負面新聞,我淨係想專心做嘢!自己睇咗劇本都好開心,覺得好吸引,由醜小鴨變鳳凰,每個女仔睇劇本都應該覺得好靚,依家我都準備緊。」提到首度與「型男」陳豪合作,她指稍後試造型時便見到他,並笑謂:「我諗到時我會怕醜囉。」

楊怡不想阻男友羅仲謙上位,惟有隻眼開隻眼閉。(設計對白)
  • 楊怡不想阻男友羅仲謙上位,惟有隻眼開隻眼閉。(設計對白)
陳豪於新劇中飾演雜誌社總編輯。
  • 陳豪於新劇中飾演雜誌社總編輯。
莊思敏(左)、莊思明(中)姊妹檔拍劇,右為莊思華。
  • 莊思敏(左)、莊思明(中)姊妹檔拍劇,右為莊思華。

羅仲謙則坦言知道與蔡思貝有感情線,會否怕緋聞再傳得熱烘烘?謙仔說:「唔驚,都只係一個工作。(劇中仲有好多靚女喎!)唔怕,大家都係專業嘅。」要否跟女友楊怡備案?他謂:「唔使,只要專業完成工作就得,都係做嘢啫!」飾演男模的他坦言不用特別操fit,更笑言:「只要唔再肥就得嘞!我做model啫,唔一定要除衫。」

莊思敏姊妹檔上陣

身為兩子之父的陳豪可說是緋聞絕緣體,提到劇中新演員眾多,他說:「好開心,同一班未合作過嘅新演員合作,希望帶到新鮮感畀觀眾。」《潮》劇除了陳豪、羅仲謙和蔡思貝外,港姐出身的邵珮詩、許亦妮及索女李亞男、楊秀惠、莊思敏、莊思明等也有份參演,現實中的索模更會在劇中演回「老本行」模特兒。眾女雖不用谷胸賣性感,但就會盡騷美腿及身段;服裝方面,劇中大都是高級時裝,服裝budget比平時劇集高出一倍,不少演員更會出動私伙。

莊思明與家姐莊思敏首次合作拍劇,但不會有太多對手戲,被問到家姐首次正式拍劇,會否指導對方?她笑言:「唔使佢拍咁多電影,自己識執生。(會否出動私伙衫?)睇吓公司安排乜先,應該都唔差。」。

文:影視組

鍾意就快D Share啦!


Related Posts Plugin for WordPress, Blogger...