網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2015年4月11日 星期六

劉佩玥甜讚猷亨:呢個朋友好有心 劉佩玥,猷亨,

劉佩玥當選後首次傳出緋聞,對象便是賭王愛子。

劉佩玥甜讚猷亨:呢個朋友好有心

港姐劉佩玥(Moon)前年當選至今與緋聞絕緣,25歲的她終有突破,日前被《好報》獨家直擊她與四太梁安琪的二公子何猷亨深宵促膝談心食意粉。行蹤敗露後,Moon為免二人關係「見光死」,即放聲氣指與對方「做朋友先」,但不禁讚對方「好有心」,誘發無限可能!

港姐戀事多籮籮!繼前屆港姐冠軍陳凱琳早前被《好報》直擊登上筍盤鄭嘉穎寓所「借碟」傳戀情後,同屆季軍劉佩玥(Moon)不輸陳凱琳,緋聞終有「零的突破」,被《好報》拍到與23歲的賭王何鴻燊四房二公子何猷亨私交甚篤,男方更甘願做外賣仔送意粉!

本月二日晚上,Moon為無綫新劇拍攝外景,不用埋位時匿在公司車上煲電話粥,未幾見Moon下車,此時一輛價值約129萬元的凌治房車駛至,Moon俯身與車廂內男子寒暄。過了一會,真命天子猷亨終拿着一盒外賣意粉探班,並與Moon步向暗角處談心兼食意粉。

劉佩玥一度把手搭在猷亨手上,即時通電!
  • 劉佩玥一度把手搭在猷亨手上,即時通電!
猷亨專心望實女方吃意粉,可能睇到眼定定,不一會就捽眼抖抖。
  • 猷亨專心望實女方吃意粉,可能睇到眼定定,不一會就捽眼抖抖。
  • 放大圖片

食意粉談談心

暗角下二人明顯放下戒心,男方促膝而坐細看Moon品嘗意粉,期間Moon邊食邊以「嗲聲萌樣」施冧功,猷亨似相當受落。之後猷亨似向Moon吐苦水,她邊聽邊給予意見,並一度將手搭在猷亨手背似是安撫。不過,二人很快發現有記者在場,猷亨即急召座駕到場並登車離開,被遺下的Moon隨即拿起電話似是與對方「保持聯絡」,幸Moon心情未受影響,仍春風滿臉返回劇組。

Moon事後接受電話訪問時,表示與猷亨在活動上認識,但認識時間不是很久,她說:「當晚佢喺附近食嘢,順便過嚟探我班和買啲嘢畀我食。我都好開心,覺得呢個朋友好有心。(追你?)唔係,大家係朋友。」問到二人有否發展機會,她續說:「暫時自己都冇諗呢啲嘢,公司都畀好多機會我,專注工作。(嫁入豪門?)冇諗過呢啲嘢,冇諗過要嫁個有錢人,筍盤定義唔係用錢去衡量,最重要溝通到同錫我,就算好有錢,但唔錫我又夾唔到都無用。(要加深認識?)大家都有共同朋友,慢慢做朋友先囉。(家人八卦?)都無,無問呢啲新聞。」

猷亨(圖)約會期間不時露出甜笑,急閃後,女方一直保持通話。
  • 猷亨(圖)約會期間不時露出甜笑,急閃後,女方一直保持通話。
  • 放大圖片

四太認印象佳

對於猷亨的為人,Moon大讚:「佢年紀輕輕、完全無架子、好nice和平易近人,同佢傾偈成日講佢父母啲嘢,知佢好孝順。(怕新聞嚇親對方?)唔知喎,報道寫得好正面,寫得好好,我唔緊張。都有同佢聯絡過,大家都得啖笑,因為大家都係朋友。」

記者致電猷亨媽咪四太梁安琪,問兩人是否拍拖,她說:「知道佢哋係朋友,係喺我哋保良局活動識嘅。(見過Moon未?)喺無綫活動見過,(印象係點?)佢哋個個港姐都好好,好有禮貌。(對Moon有冇特別印象?)個個都差唔多,都好好。(如果做你新抱好唔好?)嘩!呢啲嘢你問番猷亨啦,而且佢仲咁細個未有耐講呢啲」

四太(左二)與劉佩玥(右)曾在活動上碰面。
  • 四太(左二)與劉佩玥(右)曾在活動上碰面。
《好報》昨日爆賭王公子新戀情。
  • 《好報》昨日爆賭王公子新戀情。

文:影視組

鍾意就快D Share啦!