同阿佘爭仔 葉念琛錫晒 陳喬恩硬撬 Chilam [FACE - 410] 陳喬恩,張智霖,Chilam,葉念琛,佘詩曼,阿佘,MF,

陳喬恩知道有記者在場影相後，表現木口木面，不過當見到 Chilam後，兩個即有傾有講，笑到四萬咁口喎！#初哥哥#澳門談情

貼圖區

同阿佘爭仔　葉念琛錫晒　陳喬恩硬撬 Chilam

《衝上雲霄》有電影版，《選戰》亦計劃開拍電影版，就連 15年前嘅經典劇《十月初五的月光》最近都開拍電影版，繼續由初哥哥張智霖領軍，除咗有阿佘等原班人馬上陣外，導演葉念琛今次更欽點咗台灣演員陳喬恩做啞妹 2號，仲要同佘詩曼鬥爭 Chilam！早前《十月初五》在澳門拍外景，身為女主角嘅陳喬恩更有四個助手全程貼身侍候，果然得寵喎！

陳喬恩戲中飾演啞妹整餅師傅琪琪，一身紫衫長裙淡妝打扮，睇落好 pure！仲同阿佘嘅祝君好有幾分相似！

呢場講 Chilam踩住單車去搵陳喬恩，而圍觀嘅街坊個個大讚 Chilam個樣十足打咗防腐劑，同 15年前《十月初五的月光》冇分別添！#男神#防腐劑

四人服侍

雖然有四個助手貼身傍實，不過對住自己嘅妝容，陳喬恩好多時都係自己落手，好緊張塊面㗎！

未正式埋位時，陳喬恩乖乖坐埋一邊玩電話，之後發現有記者影相就急急腳匿入休息室，助手其後話佢冇化妝，所以唔想上鏡喎！

Chilam個樣同副「 body」保養得宜，就算有人影相都任影唔嬲，專心聽吓歌算數！

網上圖片

因為要遷就 Chilam同陳喬恩嘅檔期，所以相隔 3個時間先再度開機拍攝《十月初五的月光》電影版， Chilam仲開心「些牙」兩個合照添！

網上圖片

《十月初五的月光》電影版新增陳喬恩一角，仲會同佘詩曼爭初哥哥 Chilam，唔知 Chilam會揀邊個呢？#阿佘#爭仔

因為陳喬恩喺《笑傲江湖之東方不敗外傳》飾演東方不敗一角，得到導演葉念琛賞識兼堅持要佢做新片女主角，片場仲安排四個工作人員專門服侍！#琛女郎#欽點

原本 Chilam同阿佘喺劇集《十月初五的月光》屬一對，不過電影版中就殺入陳喬恩呢個情敵，兩女爭一男點都好睇啲嘅！

鍾意就快D Share啦！

下一篇 》