掃呢頁CODE去手機

2015年4月1日 星期三

咪當我花瓶 浸大靚女決心做導演 [FACE - 410 - 大專校園] MF,



羅雪妍( Uki) 20歲 浸大電影學院高級文憑導演系 Yr.1

Uki咩片都睇,好似懸疑、 cult及同志片都會煲,希望增加拍攝靈感。

U花 U草

咪當我花瓶 浸大靚女決心做導演

唔少後生女,自覺有幾分姿色,就上網自薦做私影模,如果質素再高啲,甚至恨入娛樂圈做明星。同樣係靚女,現讀浸大電影學院導演系 Yr.1嘅羅雪妍( Uki),完全冇想過做明星甚至幕前,做電影導演先係佢目標。

為咗圓電影導演夢, Uki 2014年 DSE考獲 20分(同年 19分就可入大學),寧願降呢報讀 high dip,都要向夢想進發,不過 Uki嘅導演路輸在起跑線,皆因其他同學都有拍攝經驗,猛人雲集,「同學個個好猛料,好似之前好 hit嘅《一生只想尋找一個肯挨麥記的女人》短片,都係我同學拍。雖然我零經驗零技術,好彩大家都會同我一組。」

可惜,靚女 Uki卻不時被同學及老師問佢會唔會想轉去做演員,但 Uki堅決拒絕,「佢哋咁問我,其實即係暗示我拍嘢技術未夠班,不過我唔會放棄,我會更加努力!希望可以由低做起,做 P.A.都冇問題!」

咁恨做導演,全因佢唔鍾意俾人管束,「因為做導演可以隨自己心去拍攝,但做演員就要跟足劇本同導演指示,會冇咗自己!」

Uki喺同學嘅微電影《婚飛燕》擔任女主角,不過佢一啲都唔 enjoy,話做導演過癮好多,咁靚女都唔做幕前,嘥料咗啲喎!

原來 Uki喺 YouTube有自己嘅美容及化妝頻道,不過對上一次上載短片已經係 3星期前,玩票性質都有超過 70萬次點擊率,肯出鏡,只因題材全是自己一手包辦! YouTube畫面

Uki話唔單只喺電影創作上唔鍾意俾人控制,連感情佢都一樣唔鐘意管束男朋友!再講樣好消息俾大家知,家陣 Uki冇拍拖㗎!

鍾意就快D Share啦!