掃呢頁CODE去手機

2015年4月1日 星期三

天后加把聲 來自星星的復活 [FACE - 410 - 外地娛樂] 星星,來追星星的你,MF,



《無敵安樂窩》將於復活節檔期香港上畫,此片早於 3月尾已在美國推出,已成票房冠軍,至今票房大收 1,900萬美元(約 1.5億港元),埋單計收過 1億美元票房,應該毫無難度。

西區

天后加把聲 來自星星的復活

復活節就快到,唔少人趁 5日連假出外旅行,若嫌出外旅行太昂貴,倒不如留港消費,尤其一家大細,最好睇番套合家歡電影笑住慶祝復活節。

由《蟻哥正傳》導演添莊遜創意打造的 3D爆笑動畫《無敵安樂窩》( Home),講外星人侵略地球後,與一個地球女孩發展成好友的故事,劇情溫馨又緊張。《無》片的最大賣點是請來兩大樂壇天后珍妮花露柏絲( J.Lo)及 Rihanna坐陣配音。戲中,兩大天后聲演母女,但原來私底下傳佢哋不和,點都好啦,復活節最緊要一家大細開開心心,萬事以和為貴嘛。

《無敵安樂窩》

上映日期: 4月 2日

《無》片講從外星侵佔地球的波波星人想將地球據為己有。其中一個波波星人 O仔因闖下大禍觸怒波波星球的人,後來得到地球少女小貼幫助,先可以歸隊,之後 O仔跟小貼成為好友,發展外星友誼。

1.導演添莊遜點解會開拍《無敵安樂窩》?

夢工場的動畫《無敵安樂窩》改編自美國兒童文學作家 Adam Rex於 07年出版的兒童圖書《 The True Meaning of Smekday》。導演添莊遜因為有一次為兩位分別 5歲及 7歲的兒子講睡前故事而首次接觸這本書。早前添莊遜接受訪問時自爆:「嗰次雖然我囝囝聽到瞓着覺,但我反而被個故事深深吸引,於是我唔理兩個仔,自己一個人睇晒成本書。」之後添莊遜的起心肝向電影公司提議將這個故事製作成動畫。

《無》片導演添莊遜(中),曾執導過多套賣座動畫,如《蟻哥正傳》及《咕嚕家族》等,有美國動畫大師之稱。而今次《無》片以家做主題,唔只大人細路都啱睇,連美國總統奧巴馬(右一)都挺身支持。

2. J.Lo同 Rihanna因乜事傳不和?

《無》片中, Rihanna聲演地球女孩小貼,是戲中女主角,而 J.Lo便聲演 Rihanna阿媽露絲。早前 Rihanna在加州出席首映禮時,便開口大讚 J.Lo:「當你聽到珍妮花的聲音,你就感受到溫暖和安全感。」聽落好融洽,事實兩大天后合作原來勁唔妥,有說 45歲的 J.Lo知道要做 27歲 Rihanna阿媽已好唔順氣,試過有次兩人配音, J.Lo與 Rihanna經常互窒,在場的工作人員明知,都冇人敢上前勸止。

片中女主角小貼一角請到樂壇天后 Rihanna聲演,而且 Rihanna還為《無》片籌劃一張概念大碟創作音樂。被委以重任,唔怪得另一樂壇天后 J.Lo唔順氣。

3.聽說 J.Lo因太投入,配音期間曾經失聲?



戲中, J.Lo聲演 Rihanna阿媽。因片中兩人一度失散,所以不乏狂喊場面,早前珍妮花自爆:「此片有很多哭泣、尖叫、絕望的場景,所以配音時感情起伏好大,人都變得情緒化,試過一次因喊得太犀利,最後搞到失聲。」

J.Lo就負責聲演小貼個阿媽露絲(圖左),雖然只係大配角,但珍妮花一樣好投入配音,仲試過配到失聲。

鍾意就快D Share啦!