2015年4月8日 星期三

一技傍身 亞視釘牌 六合彩都冇得播 蔡國威廣州開健身室轉行 [FACE - 411] 六合彩,亞視,蔡國威,MF,



騷肌 selfie

蔡國威經常做 gym,雖然未去到張家輝咁精壯, 41歲年紀嚟講,叫做好 fit㗎喇。

網上圖片

真面目

一技傍身 亞視釘牌 六合彩都冇得播 蔡國威廣州開健身室轉行

亞視不獲續牌,做到下年 3月正式消失,雖然仲有 12個月,但亞視個個月都出唔齊糧,隨時執笠唔出奇,一眾藝員要變失業大軍,而亞視唯一有收視嘅節目《六合彩》(收視平均 1點)合約亦到 7月完結,有六合彩王子之稱嘅蔡國威絕對首當其衝,一向死忠的他亦打定輸數,原來一身亞洲先生 body嘅蔡國威想到廣州開健身室。他說:「呢行講機遇,我都唔知有冇機會做落去。」

41歲蔡國威喺亞視捱足 22年,當年參加《未來偶像爭霸戰》入行,(當年冠軍為田蕊妮),多年來係亞視金牌司儀,近年主力做《六合彩》主持,上週三( 1日)行會宣布亞視不獲續約,亞視做到下年 3月就消失;而《六合彩》播映權原來去到今年 7月 31日就完結,做咗 10年主持的他,只剩番 3個月做。

有胸肌又有腹肌,去選亞洲先生都仲得,平時做司儀包到實,認真嘥料。

網上圖片

蔡國威又身形又有口才,喺廣州開健身室,實有唔少大媽被佢冧到入會啦。

網上圖片

亞視不獲續約,翌日( 2日)蔡國威、鮑起靜、葉家寶一齊上商台做訪問,期間蔡國威要求亞視還員工尊嚴,更講到聲淚俱下。

網上圖片

今年正好係蔡國威第 10年做《六合彩》主持,連佢自己都冇諗到要咁樣完結,他說:「我相信大家會記得我主持過《六合彩》。」

電視畫面

8月約滿的蔡國威,出名係亞視死忠,他說:「屋企人冇畀壓力我,朋友好多都問我點,好多好主動幫我搭路,但我唔急於要𢱑撈。有諗過完全唔做呢行,始終呢行講機遇,我都唔知有冇人想用我。」

除咗做司儀,原來蔡國威亦有一身好 body,平時包到實,私下其實係健身發燒友,喺微博不時「騷肌」,最近幾個月經常香港、廣州兩邊走,據知想搞健身室生意。他說:「係搞緊一啲嘢,但真係好初步囉,係近半年先諗。(搞健身室生意?)哈哈,呢樣生意係我自己興趣之一啦。等我再實行多少少先同大家交待啦。」

曾經喺大台做過嘅劉子葱,過咗嚟亞視後為下午兒童節目《 BB日記》主持。他說:「我個節目完咗,好耐未返過去喇!」

電視畫面

有亞視霆鋒之稱嘅伍偉樂,喺亞視做娛樂新聞主持,他表示想搵番電視台工作,他說:「又繼續做呢行,希望喺其他電視台做主持。」

電視畫面

亞視散 band暗星散 張家瀅喊到豬頭

張家瀅係亞視唯一做到女神嘅藝員,有樣有身材,為亞視釘牌喊足兩日。她說:「喊咗兩日好唔捨得亞視,希望繼續可以喺呢行。」

《蘋果日報》圖片

張家瑩除咗係亞視藝員亦係銅鑼灣兩食店老闆,平時亦有落場幫手,絕對生活無憂。

《蘋果日報》圖片

台柱冇計劃

《蘋果日報》圖片

劉錫賢、朱慧珊為亞視 icon,二人均表示未有打算,一齊等葉家寶的回覆。

袁潔儀耕田

《蘋果日報》圖片

袁潔儀做亞視《我愛下午茶》主持,表示冇電視台接收就會返鄉下耕田,隱居田園。

亞洲小姐仲有得搞?

亞視釘牌,嚟緊亦唔會有白武士登場,眾所周知一定冇水,估唔到最近亞視官網(有官網㗎!)竟然登出 2015亞姐同亞生嘅網上報名宣傳!你真係估佢唔到!會唔會到時要求啲參賽者貼錢比賽呢?咁易估到就唔係亞視

網上圖片

張軼珺

《蘋果日報》圖片

鍾劍輝

鍾劍輝、張軼珺為上年亞洲先生同小姐冠軍,不過講出嚟大家都未必認識,所以選到唔使太開心,選唔到亦唔使失望!二人喺亞視暫時都係零工作。

鍾意就快D Share啦!
Related Posts Plugin for WordPress, Blogger...