掃呢頁CODE去手機

2015年4月8日 星期三

主播轉行 暗寸大台多是非 升呢做聯席董事 周嘉儀:呢度冇閒話! [FACE - 411] 周嘉儀,嘉儀,MF,



2/4勤力 OL

榮升證券公司聯席董事,工作地點亦由將軍澳堆填區轉返中環甲級商廈,睇女神表情似乎有啲迷惘!

真面目

主播轉行 暗寸大台多是非 升呢做聯席董事 周嘉儀:呢度冇閒話!

冇咗周嘉儀嘅 morning仲係咪 good morning呢?呢點就見仁見智喇!但對於周嘉儀本人嚟講,就肯定好 good,因為唔單只離開咗是非之地,仲去咗證券行做市場拓展聯席董事,聽落就知職位高人工好啦。周嘉儀( Venus)仲話新公司冇人講佢是非,仲有機會做節目,有機會再見到大家㗎!

大台主播周嘉儀離開咗新聞部之後,喺 4月 1日愚人節已經返咗新工,喺興業證券(香港)任市場拓展聯席董事,主要負責資產管理、推廣業務同培訓工作,唔再涉及新聞工作。

唔做新聞小花轉做 Marketing,返工第一日就化行妝做慈善活動嘉賓。

上月 25日周嘉儀在《香港早晨》同大家告別,事隔幾日拍檔林小珍就爆有離職同事咒佢剋死老爺。電視畫面

會再出鏡

上週一( 1日)周嘉儀第一日返新工,便要以新身份出席活動,被問到同各主播關係, Venus避重就輕地回答:「喺每個地方都久唔久會有啲是非、傳聞,係好正常嘅!都有啲啱傾嘅同事,做咗 10年唔會個個都唔啱傾。」但係邊個就唔肯講喇!

返咗兩日新工就放復活節假期, Venus週日( 5日)再接受本刊電話訪問,就賣口乖話:「 ok習慣!工作環境好,啲同事又好。第 1日返工就請咗我食飯,第 2日同事搞咗個 Easter party一齊玩一齊食嘢。」至於突然空降做高層易惹是非, Venus亦唔怕:「我唔算高層吖,呢度大家係一條 team冇閒話,應該唔會有呢啲嘢,以前嘅是非唔理喇,𠵱家 focus喺工作」佢話工作都幾忙,又要陪老闆見客。

周嘉儀仲話呢份工係有機會再見到觀眾:「主持我諗係下一步啦,或者會簽到啲節目,公司傾緊一啲 platform或者台啦,都係金融方面嘅節目,暫時未落實。其他類型嘅主持或者司儀都可以做,但要經公司審批,要配合番公司形象。」

返新工第二日,女神做嘢做到黃昏先出現,以為佢收工,原來只係買杯咖啡返上去再搏過。

1/4首日返新工

第一日返工,周嘉儀快步搭地鐵返荃灣,飲完涼茶再去藥房入貨,然後返屋企。

3/4

公眾假期唔使返工,但嘉儀 BB仍然係露出長腿兼着高踭鞋出街,點解唔可以俾對腳唞吓呢?

2年前搭上人夫許方輝,一度令女神形象一落千丈。圖片

女神地位誰代替?

周嘉儀轉行,大台主播邊個能夠成功攝位呢?根據網友嘅喜愛程度應該係呢幾位喇!

陳嘉倩

樣靚清純嘅陳嘉倩曾經喺 nowTV做記者同主播,加入大台後短短半年就兼任埋《周末主播室》,而且暫時為止未有負面新聞,加上表現理想,極有可能成為主播一姐接班人。

張文采

張文采前年被指與黃紫盈罵戰而令對方喺直播時落淚,其後傳出黃紫盈先係不受歡迎人物,令張文采人氣反升,現時亦有主持《香港早晨》。

林小珍

林小珍早前喺 facebook指一位剛離職嘅周姓女同事咒林小珍老爺「死快點」,茅頭直指周嘉儀,事件曝光後林小珍幾乎獲得一面倒支持。

鍾意就快D Share啦!