網頁

請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2015年4月15日 星期三

唔吼賭王仔 父女戀升級 陳凱琳攬啜鄭嘉穎 [FACE - 412] 凱琳,賭王,鄭嘉穎,嘉穎,何鴻燊,陳凱琳,MF,



只見兩人好快就投入情深互望,然後陳凱琳主動傾前,閉起雙眼獻吻,全程冇尷尬冇 NG。

封面

唔吼賭王仔 父女戀升級 陳凱琳攬啜鄭嘉穎

45歲鄭嘉穎同 23歲陳凱琳爆出暗撻兩個月,陳凱琳更拍得送上門,男方解話只係上屋企借碟,兩人雖然例牌否認,但上週五( 10日)鄭嘉穎同陳凱琳一場咀嘴戲,深情一吻卻非常投入,又攬又啜顯得非常自然。

早前鄭嘉穎已傳出同細佢一截嘅陳凱琳( Grace)因為拍《殭》而撻着,雖然同劇嘅陳山聰同黃又南出盡法寶搶女;而同一時間,去年 12月在 Moiselle的活動上,賭王仔何猷亨認識了 Grace,雖然強烈攻勢,但又點夠成熟又係視帝兼日對夜對拍感情戲嘅鄭嘉穎爭吖!

上月底陳凱琳和鄭嘉穎一齊出席完灣仔會展嘅影視博覽後,男女方前後腳走,轉個頭又前後腳喺鄭嘉穎位於大坑嘅豪宅會合,短聚咗差唔多兩個鐘頭又一齊坐車返將軍澳電視城開工,你話冇嘢都冇人信!

上週五( 10日)鄭嘉穎同陳凱琳呢對緋聞男女,在薄扶林道大宅拍攝《殭》,陳凱琳需要深情獻吻。

導演要求攝影機換個角度再拍,鄭嘉穎同陳凱琳表現得駕輕就熟。

一切由借碟開始

事後果然兩人夾晒口供,鄭嘉穎仲大讚 Grace好上進:「 Grace好上進想睇多啲戲,咁小弟 DVD存貨多,咪叫佢嚟我屋企攞。」講到發展機會就開晒閘:「乜嘢都係由朋友開始,年紀唔係主要考慮因素, timing同溝唔溝通到好重要!」又補充:「發展機會我又唔可以講得咁死,大家只係朋友,未開始你就嚇親人,小弟真係要孤獨終老。」嚇親都俾你冧番晒

繑實入晒戲

鄭嘉穎全程扮 cool,陳凱琳則二話不說繑住嘉穎。

等埋位時嘉穎並冇冷落陳凱琳,兩人仲企埋一邊密密斟,有咩咁好傾呢吓?

拍 kiss戲好自然

當然戀情曝咗光,《殭》都 must go on嘅。機會嚟喇!上週五( 10日)鄭嘉穎同陳凱琳就要喺薄扶林道拍攝一場咀嘴戲,拍之前 Grace個樣已經好冧,雙眼向鄭嘉穎狂放電,然後雙手攬住鄭嘉穎後頸,雙眼微微閉起,慢慢嘴對嘴,一啲羞怯嘅感覺都冇。兩人攬啜表現自然,導演收貨,不過因為想拍多幾個角度,兩人拍得好投入,好快就搞掂。

被拍到去鄭嘉穎屋企之後,陳凱琳直言年紀唔係問題,嘩!大 22年都唔係問題?

未開始你就嚇親人,小弟真係要孤獨終老。

真實對白 《蘋果日報》圖片

《殭》是陳凱琳首次同鄭嘉穎合作拍劇就即刻撻着。

網上圖片

週一( 13日)陳凱琳爸爸駕車回家,但沒有回應女兒同鄭嘉穎拍拖一事,只係話:「辛苦晒喇!」

鄭嘉穎嗒晒糖

之後等埋位拍其他 shot時,鄭嘉穎亦冇冷落 Grace,一直陪住伊人談心,有講有笑,睇嚟嘉穎唔使驚孤獨終老喇!

早前 Grace爸爸曾回應女兒並無拍拖:「佢𠵱家都冇話拍拖,等佢自己揸主意啦。」又稱同嘉穎唔係好熟;而週一( 13日)本刊在 Grace又一村住所外訪問陳爸爸,佢只係話:「辛苦晒你哋!」女大女世界,搞出個「父女戀」,真阿爸都管唔到

陳凱琳前年參選港姐奪得冠軍,可以話係近年最省鏡港姐,嘉穎梗係唔放過啦。

陳凱琳在《殭》中有大膽露背戲,她表示已一早向家人報定案。網上圖片

賭王仔首遇陳凱琳

去年 12月在 Moiselle活動上,賭王仔何猷亨認識咗陳凱琳,更交換電話號碼,可惜 Grace最終情投鄭嘉穎。猷亨即使在 ig連送 9個心心都冇用!

賭王仔  VS 視帝

何猷亨

21歲,賭王何鴻燊第四房次子,咬住金鎖匙出世,在英國讀完工商管理。現時擁有 4間公司,市值億億聲!最近首度擔任保良局總理。

曾經同英國劍橋大學富家女陳可欣( Sabrina)拍拖, 12年分手。

中新社圖片

鄭嘉穎

45歲,美國出世, 16歲參加新秀歌唱比賽但中途退出回美國繼續升學,其後回港簽約寶麗金做歌手。曾在香港及東南亞等地奪得 4項視帝。

嘉穎情史一籮籮,但都唔太長久,最長要數拍拖 5年的周麗淇。

專溝拍檔

鄭嘉穎入行 22年,傳過嘅緋聞真係好多,仲要好易同拍檔撻着喎,而且同陳凱琳嘅緋聞一樣都係死口唔認,係時候回帶喇!

劉心悠

11年拍《步步驚心》曾傳出鄭嘉穎同劉心悠擦出愛火花,但似係宣傳多啲。

佘詩曼

要數鄭嘉穎風流史,一定要數佘詩曼,當時有指鄭嘉穎一直瞞住拍拖 5年嘅女友周麗淇而暗交佘詩曼,呢段三角關係曾經搞到滿城風雨添。

王馨平

有說王馨平係鄭嘉穎初戀女友,初入行時鄭嘉穎係歌手,經常同王馨平合作同合唱。

周麗淇

現時為止拍拖拍得最耐,長達 5年嘅係周麗淇,又係因為拍劇而撻着。

徐靖雯

曾被踢爆喺屋企窩藏比自己細 20年,只得 23歲嘅內地名模徐靖雯喺家中大戰 72小時,女方仲大讚嘉穎成熟又有風度,但係嘉穎就死口唔認兩人拍拖。

王賢詠

上年經常被拍到鄭嘉穎同已婚表妹王賢詠出相入對,不過鄭嘉穎立即否認,搞到親戚就唔好

鍾意就快D Share啦!


Related Posts Plugin for WordPress, Blogger...