掃呢頁CODE去手機

2015年4月15日 星期三

皮肉之苦 中港台圍插周身箭 當黑 G.E.M.針灸醫腳傷 [FACE - 412] G.E.M.,G.E.M,鄧紫棋,MF,



靚媽陪實

上週二( 7日), G.E.M.媽與 G.E.M.齊齊現身中環見中醫, 40+ G.E.M.媽樣靚身材 fit,全程做聽眾聽女兒呻。

真面目

皮肉之苦 中港台圍插周身箭 當黑 G.E.M.針灸醫腳傷

確係成也《歌手》、敗也《歌手》。年半前巨肺 G.E.M.因為參加強國真人騷《我是歌手》一夜爆紅,年半後又係因為拒在同一節目唱口水歌被圍剿。是非多,連身子都差,跑下步都可以跑到肌肉勞損搞到要針灸急救。上週二( 7日),本刊目擊國際 G.E.M.現身中環幫襯中醫,同場加映 G.E.M.媽陪拮。咦!一齊素顏, 40+ G.E.M.媽好似仲上鏡過阿女喎!

人紅是非多就梗啦,不過惹是非到好似 G.E.M.咁,得罪完香港傳媒、去到台灣又話扮大牌,家陣連最 buy佢唱腔嘅強國都話佢忘本,就真係隔住個 mon都戥佢辛苦。換着第二個咁當黑一早去咗打小人攝太歲,不過 G.E.M.係虔誠基督徒,遇上壓力不外乎又係 po下金句、做下運動。點知黑開有條路,跑下步都因肌肉勞損又做傷兵。

國際 G.E.M.幫襯嘅樂健堂中醫館,雖然位處中環,不過收費平民,針灸每半個鐘都係$230。

兩母女樣似餅印、身材一樣,好傾好講連眼光都一樣,行中環 window shopping齊齊手指指。

美魔媽陪拮

雖然腳傷無乜大礙,不過下個月台灣、強國巡迴演唱會再開鑼, G.E.M.為免影響表演,趁住留港嗱嗱聲勤力覆診,仲帶埋媽咪一齊爭取相處時間添。

外面風大雨大壓力仲大,去到中港台都要忙住拆解是非彈,返到媽咪身邊, G.E.M.總算有人縱容下。陪拮針、陪行街,掛住㩒電話企街十分鐘,一樣唔會詐形,呢啲咪母愛囉!係, G.E.M.同媽咪真係全程好傾好講朋友仔一樣,睇落外型仲似朋友仔!唔使厚粉唔使美圖, 40+ G.E.M.媽媽素顏便服已經好青春好省鏡,唔怪得之同阿女無代溝

成日鍾意跑步玩樓梯機再上載紅蘋果流汗相,上月 20日 G.E.M.一個唔小心跑到拉傷肌肉。網上圖片

是非多得罪人多,不過 G.E.M.強國工作未受影響,原來飛上海係出席名表活動。網上圖片

針完灸、見完媽咪,大忙人 G.E.M.兩日後已經人在機場飛往上海,身邊例牌有經理人張丹、化妝師、助手同送機粉絲,前呼後擁。

一場返到老家上海, G.E.M.趁機回家探外公同表弟,出面做箭靶,梗係在家千日好。網上圖片

網上圖片

堅係退出?  G.E.M.:係試過咁諗!

微博有成千七萬粉絲, G.E.M.求其講句嘢話咁易就變微博熱話。呢輪「鄧紫棋退出娛圈」又上搜尋榜榜首, G.E.M.親口證實真係有諗過喎:「的確係試過咁諗,不過都係諗咗一下好快就冇事,因為身邊太多親朋戚友支持我。面對壓力好想放棄,跟住又會再振作,其實呢個階段人人都試過㗎」

網上圖片

去到邊都惹是非,近日陣年網誌鬧肥杏舊聞又被翻炒,中箭中到慣嘅 G.E.M.就話係報應。

鍾意就快D Share啦!