李逸朗開騷 顏福偉 high到跳舞 [FACE - 411] 顏福偉,李逸朗,MF,

李逸朗同鄭敬基個騷揀正 4月 1日，即係哥哥張國榮死忌嗰日搞，唔係要大家喊苦喊忽，只係想一齊懷念吓哥哥啫！

全知言

李逸朗開騷　顏福偉 high到跳舞

李逸朗自年初翻唱〈傻女〉之後不斷有搞作，幾乎日日都見佢上報，努力宣傳。

上週三（ 1日），佢同鄭敬基合作嘅《我們的哥歌一夜演唱會》，終於順利完成，而座上客亦睇得好開心。

點解咁講呢？當晚全知言就留意到，身為冠名贊助商、白花油王子顏福偉早早就到場，坐喺頭排嘅佢開場冇耐已經投入到不時跟住唱，之後李逸朗同鄭敬基例牌叫觀眾大合唱時，顏福偉二話不說就彈起身又唱又跳！唔知以為喺台上表演緊嗰個係佢！不過福仔一向都鍾意做愛做的事，呢啲唱歌跳舞嘅小事，又算得啲咩吖！

喺台下睇騷嘅顏福偉邊唱邊跳，投入程度唔係個個頂得住！

52歲鄭敬基難得開騷，佢兩位仔女梗要嚟捧場，順便俾人認識吓嘛！

鍾意就快D Share啦！

下一篇 》