網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2015年4月16日 星期四

有備而戰 操肌做打女  Janice Man小背心突圍 [壹週刊 - 1310] Janice Man,文詠珊,M1,



小背心

著住小背心的 JM,身旁的鬼佬正是來自前美國海軍陸戰隊成員 Chris,由他負責貼身教 JM搏擊及應付戲中所有動作戲。

探熱針

有備而戰 操肌做打女  Janice Man小背心突圍

由張學友、張家輝歌神加影帝聯手擔正,加埋余文樂、張震、池珍熙、崔始源、王學圻,集合中港台韓四地型男的新戲《赤道》中, Janice Man文詠珊是唯一女角,要在男人堆中突圍,唔易。

戲中飾演殺手的 JM,事前用了大半年時間練體能操腹肌學開槍打交,返到屋企仲要狂煲殺手系列電影自我洗腦:「我要不斷同自己講,我唔係 JM,我係殺手。」

要令 JM做到打得又睇得,動作導演錢嘉樂安排來自前美國海軍陸戰隊成員 Chris貼身教路,編劇兼導演的梁樂民和陸劍青,亦用盡 JM的本錢, see-through透 bra小背心,剛柔並重。

同家輝對打

天生排骨衣架身材,又從來冇拍過動作戲的 Janice Man,知道要拍《赤道》仲要扮殺手,呆咗!

「實在有太多太多動作場面要應付,要打又要開槍,埋位前電影公司安排咗好多訓練俾我,包括揸槍練靶同搏擊,我唔敢偷懶,自己去埋跑步練氣、打 boxing, train up體能,咁先至有力氣去應該入面嘅動作場面。」 JM說。

日子有功, JM最終練出人魚線加腹肌,唔單只打得,仲睇得。

「戲裡面我有好多個造型,甚至要著高踭鞋拍打鬥戲,不過令我最難忘係同張家輝對打,咁辛苦練體能好值得。」

JM認真對待角色外,動作導演錢嘉樂更安排來自前美國海軍陸戰隊成員 Chris,親自教 JM搏擊。曾受聘到菲律賓訓練當地警察體能的 Chris,對 JM亦毫不憐香惜玉,拍攝期間,更跟場指導每個動作。

玩透視

來自台灣的張震,與 JM同樣飾演殺手,二人有多場對手戲。

晒長腿

戲中以多個造型亮相的 JM,短褲騷長腿是指定動作。

JM用了九個月時間練體能,成功操出人魚線同腹肌。

專用槍械

除了體能上的刻苦鍛鍊, JM說要拍好這部戲,心理上同樣要做好準備。

「要做反派仲要做殺手,導演又要求我做得狠啲,某程度上同自己性格好唔配合,唔係話我份人柔弱,而係要做一個殺手,對我嚟講係好大挑戰,好大壓力,幾乎晚晚煲殺手戲,直頭係洗腦,要同自己講我唔係 JM,係殺手!」 JM笑着說。

籌備了三年的《赤道》,編劇兼導演梁樂民、陸劍青事前做了多重資料搜集,包括戲中出現的槍械和軍火。

「因為故事背景涉及國際武器販賣集團,對武器會好講究,好似槍械嘅尺寸,男人攞上手冇問題,但女人會太大,但咁啱搵到支响捷克製造,個名叫『蠍子』嘅槍, JM攞上手,尺寸剛剛好,佢揸得好型好靚。」陸劍青說。

槍要講究, JM戲中的造型更加千變萬化,小背心、熱褲、透視裝,令她在陽剛男人戲中,搶到鏡。

張學友同張家輝戲中鬥智鬥力,歌神與影帝演技大鬥法。

由幕前到幕後, JM每日和大堆男人開工,包括導演梁樂民、陸劍青、攝影師 Jason及張震。

JM由頭打到尾,余文樂亦唔例外,至於兩大韓國型男池珍熙、崔始源,同樣要應付大量開槍及打鬥場面。

鍾意就快D Share啦!