掃呢頁CODE去手機

2015年4月13日 星期一

爆戀情無損身價 學秀智嘟嘴冧李敏鎬 李敏鎬,miss A,秀智,



【韓流】爆戀情無損身價 學秀智嘟嘴冧李敏鎬

2015-04-13 16:30:00



唔少公司成日都驚旗下搵錢藝人爆出戀情後會拖累事業,不過都有例外嘅例子,好似李敏鎬同秀智呢對金童玉女就係最好嘅證明。

話說佢哋自從公開咗戀情後,身價不單冇下降,仲反升唔少,令唔少人都嘖嘖稱奇。因為李敏鎬喺內地人氣好高,平日喺內地做一年代言人都穩袋1,800萬人仔,即使佢爆出戀情,但廣告商都冇話唔再用佢,上周佢仲同LG續約,可見男神地位冇改變。

至於秀智自出道以來拍咗多達30多個廣告,收益逾100億韓圜,被稱為「100億元少女」。而自從爆出戀情後,秀智代言嘅化妝品仲因此得益,因為唔少人為此點擊秀智拍嘅廣告,自然增加咗產品嘅宣傳。

而廣告界相關人士就話:「最近明星公開戀愛已經唔係大事,甚至有助於佢哋有更好嘅形象。雖然好多明星對戀情無條件否認,但係李敏鎬同秀智卻承認戀情,可謂娛樂圈嘅典範。」

不過秀智BB形象咁討好,難怪啲廣告商對佢不離不棄。而近日秀智嘅自拍方式亦成為熱話,唔少網友發現佢最愛嘟嘴影先拍,網友都認為佢就係用呢個自拍形象嚟迷倒男神李敏鎬。

另外,秀智因為專注歌唱事業,所以已退咗新片《喵》嘅邀請。



就係呢個嘟嘴成功冧掂男神





鍾意就快D Share啦!