木村新劇收視暴跌 [忽然1周 - 1032] 木村,木村拓哉,MW,

木村喺第 1集大跳韓國女子組合 KARA嘅 pat pat舞，獲得 16.7%高收視，高過同時段「死敵」堺雅人嘅《 Dr.倫太郎》嘅 3.3%，可惜後勁不繼！

出外埠

木村新劇收視暴跌

木村拓哉同上戶彩合演嘅《家的記憶》，單睇卡士其實唔錯，飾演證券行職員嘅木村因為喺氣體爆炸意外受傷後，變成失憶，要靠手上 10把鎖匙去追尋自己嘅過去。因為同期播緊死敵堺雅人嘅《 Dr.倫太郎》，所以木村除咗好勤力咁出席宣傳活動外，仲唔收宣傳酬金，俾番劇組做新劇製作，真係出心又出力。本來劇集 4月 16號首播，收視高開 16.7%，諗住 OK啦，點知第二集，平均收視只得 14%，啱啱播完嘅第三集更跌至 13.5%，最慘仲要輸俾死敵堺雅人，都咪話唔洩氣﹗

山口智子新劇隨時腰斬

收視低迷嘅，仲有舊拍檔山口智子。 50歲嘅山口智子自從同木村拍完《悠長假期》後，除咗拍過一套特備短劇，就冇再拍劇。但 20年後突然復出，今年同藤木直人、水原希子、阿部貞夫合演《怦然心動》，上演一段四角戀。智子孭住一代「日劇女王」名銜復出，佢都好緊張，一反大牌常態，戮力做宣傳。可惜第一集收視只得 10.4%，令富士電視台大跌眼鏡，第二集仲跌到得番 8%，反而同時段、 TBS電視台大島優子嘅《脫離黑道》都有 9.1%。之前有傳第三集收視如果直落嘅話，富士電視台就會腰斬《怦》劇咁話。結果啱啱播出嘅第三集只得 7.8%，即係又跌咗，睇嚟《怦》劇真係凍過水。有網友認為「山口智子已成過去式，加上全無演技，就算腰斬也不可惜」。唉，老人家成日話「戲子無情」，媽咪姐認為今時今日，觀眾先係最無情呀﹗

上戶彩佗住 3個月 B開工不特止，仲拍出浴戲，本來好夠噱頭，可惜收視都係輸俾合作過《半澤》嘅「前夫」堺雅人。

木村拍《 I'm Home》，真係瞓晒身，扭籮、瞓地唔在講，仲出埋浴㖭，可惜幫唔到收視，陰功豬。

堺雅人嘅《 Dr.倫太郎》播映兩集，平均收視徘徊喺 13.4-14.1%之間，非常穩陣。

劇中，山口智子跟男主角藤木直人仲有激咀戲，可惜無助收視。

山口智子上咗木村拓哉嘅 SMAP× SMAP，兩個雖然冇合作廿年，但撞埋依然好有默契。

復出嘅山口智子一反以往口密常態，破例上 SMAP× SMAP宣傳《怦然心動》，仲大談跟丈夫唐澤壽明婚姻生活。

鍾意就快D Share啦！

下一篇 》